مصر موتورز مجتمع السيارات - الثورة مش هتركب حد عربيات كده ولا اية

شوف ياأستاذ شريف الوقت ده مش وقت شراء سيارات خالص ليه؟ (من راىى) لان طبعأ اليومين دول سعر الدولار زاد وطبعأ التوكيلات يقولك انا باستورد بالدولار وبعدين الحركه فى الموانى (حركه الاستيراد )بطيئه وأصحاب المعارض والتوكيلات عايزين يعوضوا خسايرهم من دم العملاء اللى هما أحنا يقوموا يزودوا سعر العربيات اللى هما اصلا مستوردينها بالاسعار القديمه.

يبقى الحل نستنى شويه لحد البلد مايتظبط حالها ..حتلاقى العروض والخصومات ابتدأت اللى هيا اصلا الاسعار اللى كانت زادت ترجع لوضعها الطبيعى وزى البورصه ماأنهارت النهارده رجعت لوضعها الطبيعى بعد زوال خوف الناس اللى رجعوا يستثمروا فى البورصه تانى فزادت اسعار الاسهم مره اخرى وهكذا العمليه انك تشترى فى الوقت المناسب....

وبالمناسبه اليوم كنت فى لقاء مع بعض الزملاء فتطرق الحديث الى اسعار السيارات فاخبرونى ان بعض المعارض ابتدت تنزل اسعارها تانى نتيجة الركود فى السوق....يعنى شوية صبر...

واللى يقوولك ان العربيات فى المعرض لابتاكل ولابتشرب ايه يعنى لما تقعد شويه....ارد عليه ان موديلاتها بتتحرق وكذلك اسعارها...والعربيه اللى موديلها يعدى تبقى موديل سنه فاتت ..يعنى سعرها لازم ينزل.

وفيه شىء لازم نتخلص منه اسمه حمى الشراء لان الوكلاء عارفين ان الاسعار لمابتزيد الناس تشترى اكتر خوفأ من زياده أخرى....

وأخيرا عايز اقولك انى اجلت تغيير عربيتى لمالقيت الزيادات فى الاسعار وانا واثق ان شاء الله ان وضع البلد لما يتحسن الاسعار حتنزل تانى .....قول ان شاء الله......