مشكلة فى فتيس لانسر 2008 اتوماتيك
 

السلام عليكم يا شباب المنتدى
لدى سيارة لانسر بومة 2008 اتوماتيك 1300 سى سى وعاملة 138 الف كيلو وظهرت عندى مشكلة منذ فترة تحدث ثم تختفى مرة اخرى ولكنها الان منذ اسبوع مستمرة حتى الان وهى عند تشغيل السيارة من وضع الثبات (P) الى وضع الرجوع (R) تحدث رجة قوية بالسيارة ثم عند تحريك ذراع الفتيس الى وضع السير (D) تظل لمبة حرف الــ (N) مضاءة مع عدم سحب السيارة الا بعد فترة من الضغط على دواسة البنزين ، ناهيكم عن عدم السحب طول الطريق ، وانا عجزت عن معرفة المشكلة ساعدونى اروح فين واحل المشكلة ديه ازاى
وجزاكم الله خيرا

رد: مشكلة فى فتيس لانسر 2008 اتوماتيك
 

كده فيه احتمال مشكلة فى الفتيس ولازم تشوف حد عنده جهاز كشف اعطال ويكشف على العربيه ويشوف مسجله عطل ايه ومتمشيش على العربيه وهى كده علشان متفصلش خالص

رد: مشكلة فى فتيس لانسر 2008 اتوماتيك
 

:10FEE3~1106: شكرا للصديق AbOnOrA على اهتمامك على الرد واوعدك اول ما اعرف حل المشكلة ديه ان شاء الله ابلغكم هنا فى المنتدى علشان الفائدة تعم جميع الاصدقاء ان شاء الله

رد: مشكلة فى فتيس لانسر 2008 اتوماتيك
 

كلام ابو نورا هو الحل ... لازم العربية يتكشف عليها بجهاز كشف اعطال
متابعين معاك ... و ان شاء الله خير

رد: مشكلة فى فتيس لانسر 2008 اتوماتيك
 

السلام عليكم يا شباب كيف حالكم
احب طمنكوا ان مشكلتى الحمدلله والشكر لله اتحلت خلاص بفضل الله .. ازاى بقى ده هو المهم
انا بعد نصيحتكم الغالية رحت حاطط العربية على الكمبيوتر فى التوكيل وجد ان بها قفلة فى الدائرة الكهربية وعطل فى الكتاوت ولابد من تغيير الفيوز الخاص بالفتيس عموما تم تركيب فيوز جديدة للفتيس وكتاوت جديدة وطبعا كانت غالية 700 جنية يابانى وتم تغيير كل الفيوز اللى فى اللوحة الكهربية لان الراجل اللى كانت معاه العربية فى الاول كان مشعر كل الفيوز اللى فى اللوحة وده طبعا غلط جدا جدا وتم تغيرها بالكامل وبفضل الله الرجة بتاعة الفتيس راحت وصوت العربية خف الى حد ما والنور الخاص بالمور كمان رجع لاصله ... يعنى المشكلة كانت كهرباء وده طبعا كان كلام التوكيل يمكن يكون صح او غلط الله اعلم بس المهم انها اتصلحت ورجعت زى الاول الحمد لله
اشكركم يارب اكون وصفت الحل كويس