سؤال محيرنى عن الفلاتر الرياضية والبوجيهات ..أرجو الافادة؟؟؟؟؟
 

هل فعلا الفلاتر الرياضيه والبوجيهات السبليت فاير وغيرها مهمة وفعلا بترفع اداء العربيه والسحب وكدا ولا كلام فاضى ....طيب لو الكلام دا صحيح اجيب ايه بالنسبه لعربيتى جولف2 1300 سى سى ...ايه احسن فلاتر وبكام ومنين بالظبط ...واجيب البوجيهات دى ولا لاء وبرده منين ...بجد يا جماعه انا عرفت ان المنتدى دا بجد الناس اللى فيه أخوات ..اى حد عنده معلومه يقولوى ...انا جديد فى الكلام دا...وشكرا

رد: سؤال محيرنى عن الفلاتر الرياضية والبوجيهات ..أرجو الافادة؟؟؟؟؟
 

البوجيهات والفلاتر الرياضية بتحسن اداء العربية فى حدود العربية نفسها
يعني عمر ما الحاجات دي ما هتزودلك اي حاجة فى حصان العربية
هم بس بيساعدوا الموتور انه يطلع احسن ما عنده يعنى عربية 100 حصان مثلاً بالفلتر والبوجيهات العادية مع مرور الوقت بتتكتم واخرها تطلع مثلاً 90 حصان بس من ال100
انما الفلاتر والبوجيهات تخلى العربية تفوق و توصل للـ 100 حصان

الفلتر فى منه صيني وفيه منه امريكى
الصينى زي السيموتا المضروب بيبقى عامل فى حدود 150 جنيه انما الامريكى الاصلى ممكن يعدى الـ 700 جنيه

البوجيهات الرياضية زي السبليت فاير مثلاً لازم تجيبلها الاسلاك بتاعتها معاها عشان تاخد منها احسن اداء
البوجيهات والاسلاك ممكن يعملوا من 500 لحد 700 جنيه عند محلات التعديل والاكسسوارات مش عارف ينفع اقول اسمهم ولا دا يبقى اعلان

وشكراً

رد: سؤال محيرنى عن الفلاتر الرياضية والبوجيهات ..أرجو الافادة؟؟؟؟؟
 

شكرا لردك السريع يا باشا ....بس اسعار ال K&N ارخص من كدا اعتقد .....اللى عارف اى حاجه يا جماعه علشان خاطرى مايبخلص بالأجابه..

رد: سؤال محيرنى عن الفلاتر الرياضية والبوجيهات ..أرجو الافادة؟؟؟؟؟
 

لو عاوز K&N نضيف من على النت يبقى سعره فى الحدود دي لان الجنيه نزل ادام الدولار
لو هتجبه من مصر يبقى لازم حد حبيبك اوي هو اللي يديهولك يا اما ممكن تتخدع فيه