رد: ## نيو أوكتافيا ## جيتا ##
 

اللي سمعته من واحد في الجمارك إن الجيتا جمركها أعلى من الأوكتافيا لأنهم بيحاسبوا على أنها ألماني فجمركها أعلى لكن الأوكتافيا تشيكي فجمركها أقل ، وفيه واحد معانا هنا كان جايبها زيرو ونزلها مصر على طول بيقول إنه دفع 50 ألف جنيه جمرك ؟؟؟؟؟؟؟؟؟

أنا مش عارف مدى صحة هذا الكلام ؟

رد: ## نيو أوكتافيا ## جيتا ##
 

إسأل في السفارة المصرية وحيقولولك ، وكده كده حتروح السفاره عشان تسجلها وتبقى أول يد تمتلك العربيه ويسمحوا بنزولها مصر خلال ثلاث سنوات من التسجيل

رد: ## نيو أوكتافيا ## جيتا ##
 

مش فاهم يعني بعد ثلاث سنوات ميسمحوليش أنزل بيها ولا إيه ؟

رد: ## نيو أوكتافيا ## جيتا ##
 

مش متأكد بالظبط إنت عارف إن القوانين عندنا بتتغير كل 24ساعه
كده كده حتروح السفاره عشان التسجيل وحتسأل على الجمرك بالظبط والشروط عشان تنزل العربيه إيه وتسجل العربيه عندهم

رد: ## نيو أوكتافيا ## جيتا ##
 

طيب هو صاحبك اللي دفع 50 الف نزل بيها في نفس سنه الموديل؟؟
لان 50 الف ده تقريبا جمرك الالنترا فول اوبشن عن نفس السنه ( بالظبط 48 الف )ودي كوري يعني لا الماني و لا اوروبي خالص و لا حتى مكسيكي !!
اللي اعرفه ان الجمرك 40 % من تمن العربيه ال 1600 سي سي و فيه 15% ض.مبيعات و 3% تنميه .... يعني بتدفع اكتر من نص تمن العربيه جمارك وضرايب و خلافه .... ده غير النقل و الشحن و القصه دي
انما .... الجمارك بتنزل 10% بعد اول سنه و 5% عن كل سنه بعد كدا بحد اقصى 50% ( يعني 9 سنين تقريبا ) وبعد كدا الجمرك ثايت حتى لو بقالها 100 سنه
الشرط انك تكون اول مالك ليها و تجيب رخصه التسيير اللي تثبت كدا ( رخصه تسيير سنه الموديل بأسمك )
ومش مهم بقالها معاك كام سنه ... انا بصراحه اول مره اسمع عن موضوع ال3 سنين ... بس برضو اتأكد منه و ياريت تقولنا عليه

من الاخر انت تستفيد بفرق تمن العربيه لما تجيبها و تقعد بيها 3 او 4 سنين وبعدين تنزل بيها تاخد 20 او 25% خصم من الجمارك ..... لكن لو حتنزل بيها على طول .... يبقى اجسبها الاول كويس اوي
وربنا يوفقك