ايه رأيكو في مازدا 3 السيدان موديل 2013 ؟؟؟ ارجو المساعدة
 

ايه رأيكو في مازدا 2013 اعلى فئة ؟
انا عرفت من موقعها الخاص (مازدا مصر) ان اعلى فئة منها بـ154 الف مع خصم 4000 جنيه (عرض)

ولما جيت شوفتلها فيديو ريفيو من اليوتيوب قالو ان العربيات المماثلة ليها هايونداي النترا وهوندا سيفيك مع ان الالنترا كوري مش ياباني زي المازدا

عموماً ياريت تساعدوني , ايه رأيكو في العربية من ناحية الثبات والموتور وتوافر قطع الغيار والاوبشنز

ودي بعض الصور عنها :

http://img.netcarshow.com/Mazda-3_Se...llpaper_05.jpg

http://img.netcarshow.com/Mazda-3_Se...llpaper_25.jpg

http://img.netcarshow.com/Mazda-3_Se...llpaper_3e.jpg

مستنيكو ضروري يا شباب SLAM

رد: ايه رأيكو في مازدا 3 السيدان موديل 2013 ؟؟؟ ارجو المساعدة
 

عن تجربة موديل 2012:
مازدا 3 من أفضل العربيات في فئتها و هي تعتبر نفس الفورد فوكاس بس ياباني
المميزات:

1. ثبات رائع
2. ممتعة جدا في سواقتها ( الزووم الزووم حقيقي مش كلام إعلانات :-) )
3. مساحة واسعة للسائق و الراكب الأمامي
4. شكلها أنيق من الداخل و الخارج
5. ساوند سيستم محترم
6. جودة الخامات و الصناعة (يابانية 100%)
7. إعتمادية عالية و أعطال قليلة

العيوب:

1. مساحة الركاب في الخلف ضيقة
2. صغر الأبواب الخلفية نسبيا (بعض الصعوبة في الدخول و الخروج لطوال القامة)
3. استهلاك البنزين أكثر بقليل من منافسيها (كورولا مثلا)
4. أعتقد سعر إعادة البيع مش قوي

الخلاصة:
لو بتدور علي عربية محترمة و تبقى مبسوط و أنت راكبها
لو ضيق المساحة الخلفية مش مهم قوي بالنسبة لك
يبقى توكل علي الله :THE_PR~18:

رد: ايه رأيكو في مازدا 3 السيدان موديل 2013 ؟؟؟ ارجو المساعدة
 

تسلم يا برنس الله يحفظك انا فعلاً معجب بالعربية دي اوي وبالنسبة للفوكاس العربية دي فكرت فيها كتير ولما شوفتلها مراجعة على موقع اجنبي لقيتها واخدة تقييم 4.5\5 شكل من الداخل ممتاز وممتعة جداً جداً بس مشكلتها الوحيدة انها غالية حبتين عشان الفوكاس وصلت دلوقتي الهايلاين السيدان لـ208 على حسب ماقالت الناس المحترمين اللي هنا والله اعلم بس يمكن تكون العربية تستاهل التمن دا لإني مجربتهاش ومعرفش حاجة عن الأمريكي اصلاً والعربية ستايل بصراحة وشكلها عاجبني من الجنب والخلفية ومن جوا شوفتها عند الطارق إنما من الأمام حاسس ان شكلها مجهول وتعرفلهوش حاجة :260309~352::ROFL_C~118:

- عموماً تسلم يا برنس على المساعدة وإن شاء الله احاول اجربها الأول قبل الشراء :THE_PR~18:

رد: ايه رأيكو في مازدا 3 السيدان موديل 2013 ؟؟؟ ارجو المساعدة
 

بص المازدا عربية فوق الممتازة في كل حاجة

عيوبهاااااااااا :
1) سعر اعادة البيع في الاااااارض
2) قطع الغيار في التوكيل غاااالية بشكل مبالغ فيه ، بس اعتقد موجودة خارج التوكيل بس قليل


نصيحة لو هتشتريها تأمن عليها تامين شامل عشان لو لا قدر الله حصل حاجة متشلش همها

رد: ايه رأيكو في مازدا 3 السيدان موديل 2013 ؟؟؟ ارجو المساعدة
 

حبيت أضيف إن الفوكاس عربية رائعة خصوصا الهاي لاين الهاتشباك (عربية أمريكي و صناعة ألماني) تكنولوجيا و مواصفات تهبل (تستاهل سعرها لو عايز كل الأوبشنز ديه:1336:)
لو بتقارن المازدا 3 بالفوكس، يبقي المازدا أفضل في رأيي (عملية أكتر و سعر معقول)

بالتوفيق إن شاء الله و أهم حاجة تصلي استخارة
و تحت أمرك في أي استفسار