مصر موتورز مجتمع السيارات - خطوات تجيد رخصة السيارة خطوة خطوة

السلام عليكم ورحمة الله و بركاته
الحمد لله النهاردة جددت رخصة السيارة ( اول تجديد ) مرور الاميرية
مطلوب شهادة مخالفات
تامين اجبارى
صورة الرخصة
صورة البطاقةالرقم القومى سارية
ملف كرتون
و الان الى الخطوات
1 - الساعة 8.30 كنت فى المرور استلمت الرخصة 9.30 بفضل الله

2 - الذهاب الى شباك اسمة بيانات تديله الرخصة علشان يجيب الملف ( 10 دقائق و الملف كان موجود )

3 - بدلا من الانتظار الراجل فى الشباك طلب اننا نجيب التامين الاجبارى ( كان موجود مصر للتامين و المجموعة )

4 - رحت الى شباك مصر للتامين خد الرخصة و كتب بيانات السيارة ( الموتور و الشاسية و النوع ) 65 جنية السيارة 1100 سى سى ( التقدير على حسب السيارة )

5 - العودة الى شباك البيانات الملفات وصلت كتب لكل واحد ورقة اسمها اذن صرف لوحات جديدة ( مع العلم ان كل الموجودين معاهم لوحات جديدة )

6 - المطلوب ختم الورقة من المكتب ( ختم وتوقيع من موظف ) و بعد كدة ختم النسر وتوقيع من رئيس الوحدة ( 5 دقائق و ووصل رئيس الوحدة و ختم الايصالات )

7 - رجعنا لشباك البيانات اللى جانب الخزينة و قال الموظف اللى عربيتة من هنا ( الاميرية ) يطلع النيابة يجيب شهادة المخالفات ( واللى عربيتة مصر الجديدة وبعدين اتحولت الاميرية يروح نيابة مصر الجديدة يجيب الشهادة من هناك

8 - طلعت الدور الثانى النيابة تلاقى ورقة مكتوب عليها اتجديد الرخصة مطلوب ( صورة الرخصة + صورة البطاقة سارية + ملف كرتون )

9 - اديت الورق الى الموظف و حطه فى الملف و دبسة و خد الرخصة و دخل رقم السيارة على ظهرت على شاشة قدامى المخلفات و مكان المخالفات و القيمة ( الحمد لله مخالفة واحدة 105 فى بنى سويف ( خد 110 )

10 - ادانى شهادة ابراء ذمة + الرخصة + ايصال السداد

11- نزلت الدور الرضى و خدت رقم الشباك و رحت للموظفة اديتها السابق + خطاب البنك لتجديد الرخصة + البطاقة

12- كتبت ورقة فيها رسوم 174.20 وطلبت نوذج تجديد + طوابع

13 - دفعت الرسوم + النموذج + طوابع ( 190 )

14- تمام الحمد لله ptmnlo123per122 يمين فى يمن تستلم الرخصة ( الساعة 9 )

15 - الحمد لله الساعة 9.30 نده اسمى مضيت فى الدفتر
و مضيت من المرور الى 19 / 12 / 2010 يا ترى مين يعيش