|
احذروا سرقة السيارات من ميدان لبنان وشارع السودان!!!!
امبارح الخميس 1-11-2012 روحت لجماعه اصحابي في ميدان لبنان وركنت العربيه تحت نزلة المحور بتاعت شارع السودان وسبتها حوالي ساعه ونص رجعت لقيت العربيه مفتوحه وكل حاجه في درج التابلوه مرميه في الدواسه ولقيت الدواسات الجلد مرميه تحت العربيه يعني البيه الحرامي كان بيفتش تحت الدواسات ولقيت جهاو الام بي ثري مسروق وببص علي الكابوت لقيته مفتوح قلت البطاريه اتسرقت دي مكملتش شهر بصيت لقيتها الحمد لله بس الكابلين محلولين كان بيحاول يسرقها بس الافيز بتاعها معرفش يحلو حمدت ربنا انها جت علي اد كده وكمان انا متعود لما بنزل من العربيه باسوجر الدركسيون حمدت ربنا انه محلش الكونتاكت علشان يسرقها وان شاء الله هنزل اشترلها قفل الدركسيون
احذروا ياجماعه الكلام ده كان 5 المغرب في عز الزحمه اللهم لك الحمد ( قل لن يصيبنا إلا ما كتب الله لنا ) الحمد لله |
رد: احذروا سرقة السيارات من ميدان لبنان وشارع السودان!!!!
الحمد لله ربنا سترها معاك
ربنا يكفينا ويكفيكم شرهمPOLICEE |
رد: احذروا سرقة السيارات من ميدان لبنان وشارع السودان!!!!
لا حول ولا قوة الا بالله
حسبى الله ونعم الوكيل اللهم احفظنا جميعاً من شر السلب والنهب والسرقة والنصب |
رد: احذروا سرقة السيارات من ميدان لبنان وشارع السودان!!!!
الحمد لله جت بسيطه قدر الله وماشاء فعل
تقبل تحياتى |
رد: احذروا سرقة السيارات من ميدان لبنان وشارع السودان!!!!
قدر الله وما شاء فعل
|
| الساعة الآن 04:23 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017