|
ارجوكم المساعدة ارغب في رائيكم وهام جدا جدا جدا
ارجوكم انا محتاج رائيكم وبشدة راي الخبراء والمجربيين محتاجة جدا جدا جدا انا بصدد اني اشتري عربية انا حاليا من ملاك ال 128 ماحدش يضحك خدمتني كتير وانا بحافظ عليها المهم انا ميزانيتي مش هاتتخطي باي حال من الاحوال ال 85 الف اركب لانسر مستعمل طبعا مع مرعاة الحالة وانها تبقي كويسة ولا اركب زيرو والزيرو المتاح في دا منيول وانا محتاج اركب اوتوماتك لاني بمشي في الزحمة كتير وشغلي بيتطلب مني المشي كتير وبعمل تقريبا 150 ك يوميا او اقل انما المتاح الجديد في التمن دا منويل ويا ما فيرنا او شيفرلية لانوس او لوجان او افيو او بقي الصيني ما بين الاسبرانزا او البي واي دي او العربية الجديدة بتاعة غبور الاميجراند انا محتار جدا جدا جدا وان كنت عارف ان العربية اللانسر طبعا حكاية في الاداء والتكيف والاوتوماتك ياباني وطالع اعمل اية قولولي الله يخليكم وكل الانواع الزبرو اللي انا قولتها يعني انا بجد حيران وديا فلوس كتيرة بالنسبة ليا قولولي اعمل اية منتظر ردودكم |
رد: ارجوكم المساعدة ارغب في رائيكم وهام جدا جدا جدا
لو قدامك لانسر مستعمله وضامنها يبقي طبعا طبعا افضل بس للاسف السوق دلوقتي مفهوش اي امانه ومش هتبقي العربيه مضمونه فعشان كده يبقي الزيرو افضلك علي الاقل هتبقي ضامن انك مش هيتنصب عليك فيها وارشحلك الفيرنا او اللوجان وربنا يوفقك للخير
|
رد: ارجوكم المساعدة ارغب في رائيكم وهام جدا جدا جدا
لانسر مستعمله بس تكشف عليها كويس جدا
افضل من كل الزيرو اللي انت كاتبه كله طبعا :CHUBBY~36: مع اني ارشحلك النترا 2008 افضل من وجهه نظري |
رد: ارجوكم المساعدة ارغب في رائيكم وهام جدا جدا جدا
أركب حاجة من الزيرو أحسن وافضل لأن ماحدش بيبيع عربيته النضيفة نزاهة
لازم هتصرف معاك والكلام ده عن تجربة او تنزل مزادات جمرك السيارات هنا فى المطار وتخلص عربية حالتها كويسة وتشدها |
رد: ارجوكم المساعدة ارغب في رائيكم وهام جدا جدا جدا
طيب ما ناخد موتور الانسر الاوتو فى عربية صينى جديدة
اقصد البى واى دى اوتو اعتقد مناسبة جداااااااااااا ليك وتمنها 89 الف |
| الساعة الآن 07:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017