مشكلتى مع الــ 27 مع انى لسة شاريها
 

انا فى الغردقة و اشتريت عربية 27 (نصر)( بس متركب لها شبكة فيورا) عشان اتعلم عليها وغيرت البطارية و خليتها جافة .. و طلعت بيها مع واحد سواق مرتين .. و الفتيس وقف على الرابع و مش بيجيب غيارات تانية لا قدام ولا ورا .. السواق كان كويس وصلها لى لحد البيت و جبت ميكانيكى اخدها و بعدين قاللى محتاجة فتيس و طقم دبرياج .... بيبيعوا الفتيس ال 4 غيار فى الغردقة بــ 800 جنية ... و طقم الدبرياح بــ 380 جنية .. طبعا كتير و من يومها دايخ على حد يساعدنى انى اجيبهم من القاهرة لأن ظروف شغلى مش مساعدانى آخد أجازة و انزل القاهرة .. حد عنده اى فكرة ممكن تساعدنى ؟؟؟؟

رد: مشكلتى مع الــ 27 مع انى لسة شاريها
 

ما تغيرش الفتيس
فكه وصلحه
مش كل حاجة يقولك عليها تبقى مقدسة
هو بيدور على السهل
انما الصح فك وشوف الترس البايظ وغيره
مش هيكلفك أبدا التكلفة دى وركب وجرب وان شاء الله هتلاقيه ضبط
انما لو الصنايعى اللى معاك تعبان يبقى تشوف صنايعى حرك ونشيط
وطقم الدبرياج هاته جديد ماركة Valeo مصنع بخبرة ايطاليه فى مصانع تركيا

وهنا هتلاقى قسم الفيات 128 فيه الشيخ طارق شيخ الفيتاوية كلهم
وراجل عشرة على عشرة وقمة الامانة والاحترام
عنوانه ومحله وتليفونه موجودين ممكن تلاقيهم فى المواضيع
وهو هيدلك على الصح
وربنا يوفقك

رد: مشكلتى مع الــ 27 مع انى لسة شاريها
 

الف شكر على ردك شكر وتقدير.... بس المشكلة ان فى الغردقة عندنا صعب تلاقى حد يعمل كدة كله بيستسهل و لو لقيت اللى مش بيستسهل ما اعتقدش انه هيكون مضمون ..... عشان كدة مضطر اعمل زى هو ما بيقول .... عموما حاحاول اكلم الشيخ الطارق و ربنا يسهل ...