ونزلت من القطر فى بورسعيد أعمل اية ؟!!!!
 

السلام عليكم
معلش كان عندى استفسار مهم لانى اول مرة انزل بورسعيد فعاوز اعرف اركب مواصلات ايه وكد يعنى ؟
ثانيا فيه واحد حب يستغلنى انى اول مرة انزل وعاوز ييجى معايا وقالى انا عارف تجار كويسيين ونشتريلك حاجة نظيفة. فالسؤال بقة هو انا بشترى من تاجر ولا من الجمرك نفسة ؟ ولا بشترى من تاجر فاتح معرض او مأجر ارض من الجمرك ؟ وهل الموضوع مستاهل ان اخد واحد معايا عارف التجاروالنظام؟ ولا اية بالظبط ؟فياريت اى حد يفيدنا يا جماعه من ساعة ما ننزل من القطر لحد ما نستلم العربية ولكم جزيل الشكر

رد: ونزلت من القطر فى بورسعيد أعمل اية ؟!!!!
 

من حيث الوصول لبورسعيد فكثير ممكن يساعدك.

ثانيا لو الراجل دة مش تعرفة وتعرفة كويس جدا لدرجة انك ممكن تقول عليه صديق عمرك او حد من اهلك فمش تأمن لحد اليومين دول لان الحكاية كلها بتكون نصب فى نصب يعنى هيأخدك ويسلمك للتاجر للى هيعرقة قرشين ويخليك تشيل عربية ويدفعك دم قلبك ويحجز عليك ومش يخليك تلف برحتك...

ام الموضع انك محتاج حد معاك فأقول لك لو مش بتفهم فى العربيات يبقى لازم يكون واحد ميكانيكى معاك يقلب لك العربية لانك بمجرد ما تشترى من الصعب تغير او تبدل العربية وهتلاقى مشاكل لا حصر لها وخاصة ان العربيات الشغل فيها بيكلف فلوس كثيرة وانت عاوز حاجة شغالة وتشيلك مش منظر يعنى. هو اغلب السيارات بتكون كويسة ولكن هذا لا يمنع ان فيه غش وخداع وعربيات مقلوبة. فأحترس.

المنطقة الأستثمارية فى بورسعيد بيكون فيها تجار عربيات بيستوردوا سيارات وبيركنوها عندهم وهما بيكونوا مأجرين أماكن فى المنطقة الاستثمارية يحطول فيها عربياتهم والناس تتفرج ولما الناس تتفق على السعر معاه يروح معاك للمكتب فى الجمرك علشان تملى ورق كثير وهو يدفع المصاريف كاملة بأسمك ويأخد إفراج جمركى عن السيارة بأسمك بعد ما تكون الحكومة أخدت حقها. يعنى هو ينوب عنك فى الدفع وكل الورق بيكون بأسمك حتى إيصالات الدفع. هو بيكون حاسب بالضبط قيمة العربية والمصاريف والجمارك وكل حاجة وكمان مكسبة ويزود على هذا كام الف علشان الفصال. إذا انت بتشترى العربية من تاجر فى المنطقة الحرة وهو اللى بيتحكم فى السعر والحكاية كلها عرض وطلب وشطارة..........