مصر موتورز مجتمع السيارات - سرعة عالية + مطب مفاجئ ... اية احسن تصرف؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - سرعة عالية + مطب مفاجئ ... اية احسن تصرف؟؟ (https://www.masrmotors.com/vb/showthread.php?t=42009)

رد: سرعة عالية + مطب مفاجئ ... اية احسن تصرف؟؟

اقتباس:

المشاركة الأصلية كتبت بواسطة hazem_khidr (المشاركة 305478)

احسن تصرف انك تسيب رجلك من علي البنزين و بلاش تدوس فرامل
و سيب العربيه تاخد المطب بسرعتها افضل من انك تدوس فرامل و وش العربيه يخبط في المطب
و لو اكتشفت المطب بمسافه كافيه يبقي تضرب فرامل و قبل ما تطلع علي المطب تشيل رجلك
يعني في اي حال من الاحوال اوعي تطلع مطب و انت دايس فرامل جامده

الله يفتح عليك هذا كلام الخبراء ... للأسف الدرس دا اتعلمته لوحدي بس بعد العربية اتعورت ... كنت ماشي على 90 على طريق سفر و طلع قدامي مطب عريض رحت دايس فرامل بأقصى قوة راحت العربية زحفت و انا فوق المطب العربية راحت نطه وهبدت في المطب ... طبعا الخبطه علمت في الشاسيه لكن الحمد لله على كل حال و اهو العلام مش ببلاش

رد: سرعة عالية + مطب مفاجئ ... اية احسن تصرف؟؟

حصل معايا الموقف ده كتييييييييييييييييييير جدا
لاني دائم السفر و علي طرق كتير و طبعا في مصر المحروسه في ساعه زمن تلاقي مطب طلع من تحت الارض بدون اي داعي
مرات كتيره كنت بفرمل والحمد لله بلحق نفسي
ومرات عملت زي ما قولتو بفرمل و علي المطب اسيب العربيه تاكله براحتها
بس مره عملت حاجه فعلا بعد ما عملتها حسيت بخطورتها و ان ربنا سترها معايا فعلا
شوفت المطب كان عباره عن نصف مطب يعني الطريق حارتين الحاره الشمال المطب فيها و عالي جدا واليمين مفهاش حاجه
وانا كنت بالحاره الشمال و معدي ال 120
كسرت لمين وفرامل هاند و رجل مع بعض العربيه لفت و بقيت بالحاره اليمين بظهري وعديت من المطب بامان و بستر ربنا
بس فعلا حسيت بخطوره الي عملته وبنفس الوقت ذادت ثقتي بنفسي و تحمي بالعربيه
بالرغم من خطورت الي حصل بس زود ثقتي بالعربيه ثم السواقه
وربنا يسترها مع الجميع

تقبلو خالص تحياتي

رد: سرعة عالية + مطب مفاجئ ... اية احسن تصرف؟؟

قدرت تهدى يبقى كويس او تكسر العجل وتخده مقص بس مايكون معاك عربيات

رد: سرعة عالية + مطب مفاجئ ... اية احسن تصرف؟؟

اقتباس:

او تكسر العجل وتخده مقص بس مايكون معاك عربيات

أزاى الكلام ده ياكوكى

دا كده العربيه حتنقلب

وتبقى مشكله ياكوكى

رد: سرعة عالية + مطب مفاجئ ... اية احسن تصرف؟؟

شكراً جميعاً للمعلومات

اقتباس:

قدرت تهدى يبقى كويس او تكسر العجل وتخده مقص بس مايكون معاك عربيات

صعب جداً دي... خصوصاً لو سرعة عالية.. فعلاً العربية ممكن تتقلب