مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ﻻنوس (دايو - شيفروليه) (https://www.masrmotors.com/vb/forumdisplay.php?f=153)
-   -   نصيحه منى بلااااااااااااااااااااااا اااااااااش (https://www.masrmotors.com/vb/showthread.php?t=87359)

محمدصلاح القاضى 25-05-2012 12:48 AM

نصيحه منى بلااااااااااااااااااااااا اااااااااش
 

AHLNWSHALN
طبعا اسم الموضوع مشوق :THE_PR~18:
ودا هيخلينى اتكلم بصراحه وصدق كاملين دون خوف من احد او عمل حساب لاحد
لان اللى حصل كله حقيقه واذا كنت مش مصدقنى قسما بالله حصل
والحكايه تبدأ من هنا
انا كنت بحب الديوا لانوس جدااا وخصوصا لانوس (1) الكورى !!! لانى ركبتها بعد موديل العربيه ب 5 سنين وحسيت ساعتها انى راكب طياره عفشه صح موتور صح تقفيل صح قاعده مريحه جدااا وعزل جيد جدااا
وبعدين نزلت لانوس2 وكانت كويسه برضه وبعد كدا اشترى جنرال موتورز شركة دايو الام وغيرها لشيفورليه لانوس وهنا بقا تبدأ الانتكاسه الكبرى للسياره
وقسما بالله اللى هقوله دا حصل كله دون اى تحريف او تزويد من عندى فى الكلام
انا بسوق بقالى 6 سنين سواقه ممتازه جدااا (بس السواقه ملهاش كبير ) MADDRIVEوالحمد لله ركبت عربيات كتيير من اول 127 الى الاوبل فيكترا والكريسلر موديل 2011 والحمد عندى خبره واسعه بمميزات السيارات والفروق بينها
معلش خنقتكم شويه بس كان لازم اوضح
انا روحت النهارده ابارك لواحد صاحبى اشترى عربيه جديده وكانت المفاجأه انه اشترى شيفورليه لانوس الكامله (LS) سيبك من الكماليات والحورات الكدابه دى المهم باركت له على العربيه وقولته ربنا يديك خيرها ويكفيك شرها والمهم انه حلف عليا لازم اجرب العربيه وهو كان معاه دايو لانوس موديل 2008 عربيه كانت جميله جدااا وانا سوقتها اكتر من مره قبل كدا
المهم ركبت ودورت العربيه قالى افتح الكبوت اتفرج على الموتور اول مارفع الكبوت صوت الموتور اختلف على ودانى صوته عالى وخشن والتون بتاع الموتور مش موحد قلت عادى مش مشكله بلاش اقوله احسن يزعل ولا حاجه ركبت واديت الاول وطلعت وكأن اسطوانة الدبرياج متاكله لازم اوس بنزين زياده عشان تطلع المهم ان بيته على طريق سريع طلعت الخمس خطوات اللى قبل السريع على الاول وقولت واما امسك السريع ادى التانى واشوف السحب اديت التانى ويارتنى ما اديته خالص مفيش سحب خالص لازم اقرص على العربيه عشان تمشى المهم جبت 80 وداخل على ال 90 وحسيت انى راكب مراجيح العربيه مش ثابته خالص وخلال المده من اول ما مشيت على 40 لحد ال 100 لو ايدى حملت على طارة الدركسيون من ناحيه العربيه كلها تروح ورا ايدى مش حتى تنقل نفسها واحده واحده لا دى بتنقل مره واحده بصراحه اول مره اشوفها والدركسيون تقيل تحس انك راكب عربيه مش باور خالص والمناوره شبه معدومه تماما سيبك من دا كله تعالى بقا عند الفرامل وجرب تدوس فرامل مفيش فرامل خالص العربيه طبعا البويا من برا تعتبر من اجمل الاشياء بالسياره
المهم انه وانا طالع اجرب قالى هتغير الاسبرانزا اللى معاك من الصبح وهتجيب لانوس قولت له على البركه ياسيدى طبعا راجع ليه مزاجى اتعكر مش عارف اقوله ولا اخبى عنه :fun_Whispering: لكن مقارنة بالاسبرانزا ال 1600 سى سى تعتبر الاسبرانزا برقبتها تماما لانى شارى عربيتى زيرو وطبعا اكيد كلكم عارفينها
بسم الله ماشاء الله ناعمة نعومة الحرير السحب جبار والثبات ممتاز لانى مشيت مره بيها 180 والمناوره 10 على 10 والفرامل ABS وجميله جدااا
انا لم اقصد اوضح مميزات الاسبرانزا
لــــــــــــــــكن حبيت احذر الكل من شراء الشيفورليه لانوس لانها لا تستحق ال 69 الف جنيه تمنها خالص
واللى شايف غير كدا يقول
وعلى فكرا الكلام اللى فوق كله حصل قسما بالله مش كدب ولا تاليف ولا من وحى خيالى

mhamdy75 25-05-2012 03:21 AM

رد: نصيحه منى بلااااااااااااااااااااااا اااااااااش
 
تستاهل وزيادة :CONGRA~238:

YOUNG DR.M 25-05-2012 07:21 AM

رد: نصيحه منى بلااااااااااااااااااااااا اااااااااش
 
3arabya kwaysa bas el se3r mobala3' feeh

Elawany13 25-05-2012 10:48 AM

رد: نصيحه منى بلااااااااااااااااااااااا اااااااااش
 
أنا بردوا ركبت لانوس 1 ولا نوس 2 كذا مرة قبل كده وكنت بقعد بجوار السائق
أنا طولى حوالى 180 سم
كانت قعدتها مريحة جدا رجلى مرتاحه وراسى مرتاحة
وتكييفها كويس جدا وسحبها ممتاز

واحد زميلى لسه شارى شيفورليه لانوس آخر موديل بقالها معاه حوالى 4 شهور
من 3 أو 4 أيام ركبت بجواره
اتصدمت من القعده بتاعتها
راسى خابطه فى السقف ومش عارف ضاقت كده ليه !!!!!
قولت ممكن يكون الكرسى متحرك للأمام
طيب راسى خابطه فى السقف ليه !!!

blade2011 31-05-2012 02:05 AM

رد: نصيحه منى بلااااااااااااااااااااااا اااااااااش
 
هوة انا متفق معاك فى نقطة صوت الموتور عالى شوية وخشن وكل الشيفرولية لانوس كدة وماكنش كدة فى الدايو مش عارف لية اية السبب بس مش عالى اوى زى الرينو انا معايا من شهر 9 اللى فات وطبعا البوية زفت والصاج زفتين ولكن مختلف معاك فى الاتى :
1-لا الباور خفيف جدا معايا مافيش الكلام دة اللى بتقولة
2-لا 80 و90 ثابتة بعد 120 مراجيح مول النبى اة مش هاكدب وكل الانوس تانى كدة فرامل وثبات زفت
3-موضوع تحميل ايدك فى اتجاة واحد على الطارة لا ماشوفتهاش دى صعبة شوية بس اعتقد العربية دى عاوزة ظبط زوايا بس ازاى وهية جديدة كدة الله اعلم
4-مش ضيقة عادية زى الانوس 1 انا ركبت الانوس 1
5-لا موضوع تزود بنزين وانتا طالع اوى لا محصلش معايا عمرى . ياراجل دة انا ساعات بطلع مطالع عالية لما بشيل رجلى ممن على الدبرياج سنة سنة من غير بنزين حتى


الساعة الآن 11:33 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017