اسشارة عاجلة
 

يا رجالة القسم ممكن استشارة , دلوقتى انا معروض قدامى عربية سوزوكى التو 1000 سى سى , موديل 2005 كاملة (تكيييف /باور /زجاج كهرباء) , وماشية 63000 كيلو بس , والعربية فابريكة جوة وبرة تقريبا ... والمطلوب فيها 32000 جنية نهااااااائى ,وعندى كذا استفسار

اولا: السعر المطلوب دة كويس ليها ولا عالى ... ولو عالى هل هوة عالى اوى ولا فرق الف او الفين

ثانيا: ناس يقولوى يابنى دى صغيرة ومتستحملكش وهية عربية ضعيفة وصاجها تعبان وكمان سعرها غالى اوى عليها خليك فى الاكسيل 1300 او البرايد العصفورة احسن او اى حاجة تانية تكون كبيرة شوية ومتتعبكش ... ودة رأى ويحترم

ثالثا: ناس تقولى اة السعر عالى بس انت بتشترى حالة كويسة وبتشترى موديل عالى وكمان صيانتها سهلة وتكييفها حلو وصغيرة وموفرة فى البنزين , وبينصحونى متستخسرش فى عربية حالتها كويسة وحتريحك وان دى مش اخر عربية حتجيبها كلها سنتين او ثلاثة وتغير وتجيب الاحسن لما تتجوز ... وبردوا دة رأى ويحترم وانا برضوا ميال شوية لية

بس طبعا ما خاب من استشار .. فانا حابب استشير اهل القسم اصحاب الخبرة وربنا يكتب الخير لكل الناس ان شاء الله
وشكرا

رد: اسشارة عاجلة
 

بالنسبه للسعر مش هقدر افيدك

انما رائى انك تشترى واحده جديده افضل
سوزوكى التو 2013 800 سى سى ب 48900

رد: اسشارة عاجلة
 

بص أنا راى المتوضع مع الجديد و الحالة
بس التو مقدرش افيدك فيها
نصيحتى صلى صلاة أستخارة و ربنا هيكرمك إن شاء الله بالى فيه خير

رد: اسشارة عاجلة
 

ربنا يكرم ان شاء الله .. شكرا يا باشا

رد: اسشارة عاجلة
 

لا انا لو حفكر فى زيرو يبقى ان شاء الله تكون فى حاجة كبيرة ومريحة وتعد معايا كتير يعنى مش اقل من لانوس او فيرنا ... اما دى اول عربية ليا ولسة اول مرة سواقة ,مش حتعد معايا كتير يعنى سنتين وحقلبها واشوف غيرها ان شاء الله فا مش عاوز اخسر كتير وانا بابيع