عندي مشكلة في استخراج شهادة الإعفاء النهائي
 

السلام عليكم يا إخوة :

عندي مشكلة رخمة جدا في موضوع استخراج الإعفاء النهائي والمشكلة تتمثل فيما يلي:


بعد تخرجي من الكلية استخرجت إعفاء مؤقت من الجيش وفقا للمادة السابعة ( العائل الأكبر لأبيه المتجاوز سن الستين) والقراقر هو إعفاء المذكور من آداء الخدمة الوطنية كونه الابن الأكبر لأبيه المتجاوز سن الستين, وتنتهي الشهادة ببلوغ المذكور سن ال 29 أو ببلوغ أخيه سن ال 21 أيهما أقرب.

المشكلة دلوقتي إني أتميت ال 29 وأخويا مجند في الجيش, ولما روحت الهايكستب قالولي لازم إثبات تجنيد من الوحدة اللي أخوك فيها + استخراج قيد عائلي + أصل الإعفاء المؤقت.

المعضلة في ده كله إني خليت أخويا يعملي إثبات التجنيد من وحدته, السؤال المفصلي هنا هل لازم أختم إثبات التجنيد من السجلات العسكرية ولا خلاص أطلع بيه على الهايكستب, المصيبة إن اعتماد طلب إثبات التجنيد فيه لفة سودة وعطلة وبهدله , لإنهم قالولي لازم تاخد إثبات التجنيد اللي معاك وتوديه لإدارة السلاح اللي تابع ليه أخوك وهما يبعتوه إدارة السجلات وتيجي تستلمه من السجلات واللفة دي لازم تاخدلها 10 أيام على الأقل, وأنا بصراحة جايلي فرصة سفر حلوة برة مصر ومش هينفع أطلع الجواز إلا بالإعفاء النهائي, فيا ترى فيه طريقة تختصر الوقت ولا لازم أعمل اللفة دي , وهل يا ترى اللي باعتلي العقد هيصبر ولا لأ؟ يا ريت يا جماعة حد يدلني وجزاكم الله كل خير.

رد: عندي مشكلة في استخراج شهادة الإعفاء النهائي
 

السلام عليكم

أ/ أبو زيزو

لو سمحت ممكن تقولى أنت عملت إيه فى الموضوع ده لأنى عندى نفس المشكلة دلوقتى و مش عارف اطلع اثبات التجنيد لأخويا و هل لازم يتختم من السجلات العسكرية ولا لأ؟ ... و هل ممكن يطلع من الإدارة العامة للسلاح اللى فيه أخويا و لا من الوحدة بتاعته؟

شكرا