|
اشتريت عربية 126 مستعمل ما هى رسوم التسجيل بالشهر العقارى ؟؟؟
اشتريت عربية 126 مستعمل ما هى رسوم التسجيل بالشهر العقارى ؟؟؟ منتظر ردوكم اخوانى فى الله العربية موديل 1990 و650 سى سى اشتريتها ورايح يوم السبت اسجلها بأسمى والراجل البايع قالى مصاريف التسجيل عليك كنت عاوز اعرف هى كام مصاريف التسجيل ارجوكم هو لازم البائع يجيبلى شهادة مخالفات وشهادة بيانات ؟ ولا لا اصل الراجل بيقولى مفيهاش مخالفات وبيقولى لو عليها جنية حدفعة ويا ترى رسوم شهادة البيانات وشهادة المخالفات بكام ؟ والسلام عليكم واسف اذا كان الموضوع مكرر |
رد: اشتريت عربية 126 مستعمل ما هى رسوم التسجيل بالشهر العقارى ؟؟؟
اقتباس:
ثانيا فعلا التسجيل بيبقى على المشترى لو عملك توكيل بالبيع لنفسك وللغير بيبقى على البايع وفى كلتا الحالتين تكاليفة قليلة بس كام فعلا دى فالشهر العقارى ثالث حاحة ودى الاهم لازم يجيب شهادة المخالفات قبل متدفع باقى ثمن العربية ضرورى جدااااا مخالفة عكس السير للفسبا بثمنها بس لازم تتدفع عشان ترخص وانت ضرورى هتحتاج شهادة المخالفات عشان ترخص العربية باسمك ولو الرخصة سارية مش هتحتاج بيانات لو منتهية حتحتاج بيانات للشهر العقارى واخرى للمرور التابع انت لة لنقل الملكية رابع حاجة تكلفة الترخيص الضريبة 145.2 جنية التامين الاجبارى 62 جنية تامين لوحات 30 جنية اللوحات الجديدة باسمك 115 جنية نموذج 251 9.2 جنية نموذج فحص فنى 3.6 جنية نموذج فحص بيئى 5.1 جنية نموذج طفاية 4 جنية نموذج تجديد سنة 11 جنية دى كل المصاريف الا هتدفع فى المرور لنقل ملكية السيارة ليك والف مبروك مرة ثانية |
رد: اشتريت عربية 126 مستعمل ما هى رسوم التسجيل بالشهر العقارى ؟؟؟
اقتباس:
الف شكر يا اخى الكريم فعلا افادتنى كثيرا ربنا يبارك لك انا فعلا جبت شهادة المخالفات ومعليعاش حاجة الحمد لله بس كنت عاوز اعرف ملحوظة هو ان الراجل البائع قالى اننا سنذهب للشهر اعقارى الاسبوع القادم ويعمل لى عقد مسجل بس قالى متمضيش مشترى عشان تستفيد بال تسع شهور الباقيين فى الرخصة هل الكلام ده صحيح ولا لا منتظر ردوكم ؟؟وفى الحالة دى انا حمشى برخصة مين |
رد: اشتريت عربية 126 مستعمل ما هى رسوم التسجيل بالشهر العقارى ؟؟؟
اقتباس:
|
رد: اشتريت عربية 126 مستعمل ما هى رسوم التسجيل بالشهر العقارى ؟؟؟
طب وانا كدة اركب العربية بصفتى اية ؟؟
طب شوف كدة الققرة دى من القانون كدة هى دى الى انا خايف منها الحالات التى يلغى فيها ترخيص المركبة عدم الإخطار عن نقل ملكية واتمام استيفاء إجراءات نقل القيد خلال ثلاثين يوماً من اليوم التالى لتاريخ صيرورة السند القابل للملكية مقبولاً . وتعتبر الرخصة ملغاة من اليوم التالى لإنتهاء المدة ، وفقاً للمادة 19 من قانون المرور منتظر ردوكم يا جماعة |
| الساعة الآن 10:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017