|
|
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
بس برضو نفس اللعبه .... الحديد نزل سعره ... رفعوا سعر الاسمنت
المشكله ان الحديد بيكون سعره شهري ... يعني يطلع اول الشهر و غالبا بيكون ثابت طوال الشهر لكن الاسمنت سعره يومي ... و حبه فوق... و حبه فوق برضو .... ptmnlo123per111 |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
سؤال بقى ياباشمهندس هو استهلاك الحديد فى المبانى اكتر من الاسمنت ولا الاسمنت اكتر؟
|
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
انا مهندس معماري ... المفروض اللي يرد يكون مهندس انشائي ... انما برده حرد علشان خاطرك يا ايمن باشا بص يا سيدي نسبه الاسمنت في المتر المكعب خرسانه المسلحه بيكون 350 كم/م3 ممكن يزيد احيانا ل 400 كم/م3 حسب تصميم الخلطه الخرسانيه و الاجهاد المطلوب ( لكن الدارج 350 كج/م3 = 7 شكاير ) نسبه الحديد بتختلف حسب نوع المبنى و نوع التصميم و البحور و كمان نسبته في الاساسات غير الاعمده غير الاسقف... لكن متوسط نسبه الحديد عموما في المنشاء 110 - 130 كم/م3 قول متوسط 120 وبحسبه بسيطه سعر طن الحديد النهارده فعليا 3750 ( عز الدخيله ) = يبقى المتر بياخد حديد ب 450 جنيه حديد وسعر طن الاسمنت فعليا 540 جنيه ( حلوان) = يبقى المتر المكعب خرسانه بياخد ب 190 جنيه اسمنت وبالبلدي كده الاسمنت تكلفته تقريبا تلت تكلفه الحديد في الخرسانه المسلحه طيب ليه لما الحديد يرخص الاسمنت يغلا؟؟!! لسبب بسيط ان الحديد اغلا و بالتالي تكلفته اعلا و حتى لو الاسمنت رخص فرق سعر الحديد حيكون اقل ... فالناس يوم ما الحديد يرخص تشتريه لأنه مهما زاد سعر الاسمنت حيكون فرق التكلفه اقل بسبب فرق سعر الحديد ... و لما الحديد يغلا الاسمنت يرخص حاجه بسيطه لأنه عمره ما بيعوض فرق الحديد واهو كله استغلال و احتكار و استهبال لأن الحديد مستورد و الاسمنت انتاج محلي و مفيش علاقه بين الاتنين غير الجشع و الطمع |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
هى الهندسة صعبة أوى كدة دى العلوم أرحم بكتييييييييييييير |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
مفيش حاجه سهله
وعلى رأي ريا ... قطيعاااااااااه ..... محدش بياكولها يالساهل .... ولكل مجتهد نصيب بس ايه رأيك في الرد .... دا احنا حنريحوووكووووو اوي |
| الساعة الآن 07:21 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017