|
اسال وانا اجاوب عن مشاكل سيارتك
:286:بسم الله الرحمن الرحيم :286: ايه المشكله للي عندك وانا اجاوب بالحل ان شاء الله او مشكلة وقعت فيها وعرفة حلها قول برده عشان الكل يستفيد من الموقف اخوكم في الله عبد الرحمن فني ميكانيكي وكهرباء |
رد: اسال وانا اجاوب عن مشاكل سيارتك
مشكلة و عرفت حلها مممممممم
من أيام اللعب فى الصحراء .... كنت ماشى و قابلت شخص و بطلت الموتور عشان أتكلم معاه و خلص الكلام و مشى ... و أنا أدور العربية و لا يمكن تدور و لاحظت أن لمض التابلوه مش بتنور مع الكونتاكت قمت عامل زى الحرامية و موصل البوبينة مع البطارية و دارت و كله تمام و وصلت لوجهتى المشكلة كانت الكتاوت الرئيسى اتحرق ( ماعرفش ازاى ) موضوع جميل و إلى مشاكل أخرى ( محلولة بإذن الله ) |
رد: اسال وانا اجاوب عن مشاكل سيارتك
طيب اسمحلى ابتدى انا
لما برجع بالعربية لورا بسمع صوت تكة واحدة فقط لا غير زى تك بسيطة كدة وميعملش تانى وللعلم كل ما ارجع ورا واحود شمال او يمين وشمال بالذات والصوت دا مش موجود نهائى لما العربية بتمشى ادام ولا فى الملفات ولا حتى لو اخدت ملف عاصى اوى مبسمعش ولا اى حاجة هى بس لما ارجع ورا واحود او ممكن محودش وامشى مستقيم بيبان الصوت برضة تكة واحدة بسيطة مسموعة من اخر الدريكسيون من تحت كدة عند الدواسات وتكة واحدة بس ولما امشى قدام وارجع اجيب ورا تانى اسمعها برضة مرة واحدة بس وتختفى وهكذا وساعات مبتجيش بس قليل لما مش بسمعها روحت كشفت فى التوكيل على العفشة كبالن مقصات وكل حاجة وحتى قواعد الماتور ومفيش حاجة انا بقى عايز اعرف هل دا ممكن يكون علبة دريكسيون او حشو او كدة ولا اية لانى مكشفتش على الدريكسيون خالص العربية فيرنا 2007 50000 الف كيلو |
رد: اسال وانا اجاوب عن مشاكل سيارتك
اخي في الله memodina1 السلام عليكم اولا نعمل شوية حاجة ونشوف هنوصل الي ايه عاوزك تغسل السيارة في بنزينه وارفعها شوف الحاجات للي هقولك عليها :- 1- بعد الغسيل حرك كل عجلة لوحديها مرة لقدام ومرة الي اوراء وشوف في صوت ولا لا مثل لما تجيب العجله لوراء يعني بترجع لوراء للسيارة شوف فين التك ده 2- شوف السكترا حركها بيدك وشفها 3- شوف في كسر او شرخ بسيط عند اركان في حوض السيارة في الزوايه من تحت وده من الممكن من المطبات للي عندنا في مصر . 4- خش داخل السيارة وحرك الدركسيون سوف فيه سلبه او رومان بيل . وان شاء الله المشكله تتحل اخوك في الله عبد الرحمن |
رد: اسال وانا اجاوب عن مشاكل سيارتك
تسلم ايدك يا باشمهندس عبد الرحمن على الموضوع المفيد والمعلومات القيمة :CONGRA~238:
|
| الساعة الآن 05:39 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017