استفسار عن سوزوكى سويفت
 

رد: استفسار عن سوزوكى سويفت
 

بالنسبة للدهان ممكن يتكلف من 600 الى 1500 حسب النوع وخدمة العربية قبل الدهان

باقى الاستفسارات يفيدك فيها اكتر استاذ حازم خضر لانه خبير فى السويفت

رد: استفسار عن سوزوكى سويفت
 

الف شكر ليك يا ابو نورا على التوضيح بس هوا فى الحقيقة الدهان اللى عليها دلوقتى صعب اوى اوى

تقريبا ً اللى كنت شاريها منه كان بينقعها كل يوم فى الشمس لحد ما الدهان اللى عليها شقق و بقى شكله لا يسر عدو ولا حبيب بس ان شاء الله خير

المهم دلوقتى انا مستنى الأستاذ حازم يرد عليا لإن انا هبدأ شغل فيها ان شاء الله من يوم التلات لإنى مش فاضى قبل كدا

و اكرر شكرى ليك يا ابو نورا و الله على مرورك و اضافتك

رد: استفسار عن سوزوكى سويفت
 

بإذن الله استاذ حازم يرد عليك او انت ابعتله على الخاص لينك الموضوع ممكن يكون مأخدش باله وهو قريب منك ممكن يفيدك لاحسن مكان قريب

رد: استفسار عن سوزوكى سويفت
 

اهلا و سهلا بيك في المنتدي :)

اقتباس:

دلوقتى انا لما بسخن العربيه شوية الاقى تحت الشكمان حته سوده كبيره دا يبقى حلها ايه ؟؟؟

دا عادي هو الكاربيراتير بس عاوز يتظبط مافيش مشكله
اضبط الكاربيراتير و خد العربيه مشوار طويل علشان تطرد الاهباب اللي في الشكمان كله
عند في الحسينيه كذا محل بيبيعوا قطع غيار السويفت
لكن اعتقد انه صعب يبيع ليك الهوايات لوحدا و الا حيبعها غاليه
الا بقي لو حد كان شاري تابلوه فاضي من عند البياع فممكن ساعتها يبيع الاجزاء دي
و عموما تابلوه السويفت مش غالي ممكن تشتري احد كامل من غير عدادات ب 400 جنيه او اقل و يكون حالته نضيفه لو حاله التابلوه بتاعك وحشه
شوف لون العربيه الاساسي ايه و لازم ترش بنفس اللون علشان الدواخل لو مش مرشوشه يبقي نفس اللون
و عموما البويه في المنصوره غاليه شويه و علشان يخدمها صح حياخد مبالغ كبيره
انا لسه راشش عربيه ماتريكس بتاع واحد قريبي كلها ما عدا السقف ب 2000 جنيه
بس بويه سكنز و الكيلو ب 400 جنيه و طالعه بسم الله ما شاء الله تحفه
شغل الحفر دا ما ينفعش و بيبقي شكله وحش
ممكن تركب فانوسين بجانب النمره الاماميه و بيبقي شكلها كويس
او تجيب اكصدام مدمج فيه فوانيس الشبوره و دا غالي شويع ه يعني الواحد بيعمل 400 جنيه مثلا
و علي فكره كل الاسعار ديس تقريبيه ممكن تزيد و ممكن تقل