استيراد سيارة معاقين من المانيا
 

هل يجوز ان استورد سياره معاق من المانيا ؟
كم يكون جمارك البي ام دبليو 116i 2007 اوتوماتيك كامله ؟
أرجو الرد سريعا

رد: استيراد سيارة معاقين من المانيا
 

بالطبع ممكن تستورد سيارة بنفسك. ولكن لها إجراءات ولازم يكون لك مخلص جمركى لان فى مناطق مش ينفع تدخلها انت..العربية البى ام دبلوا هتكون غالية جدا. انا مش عارف بالضبط ممكن يكون الجمرك كام ولكن أنا شفت واحدة 2002 أو 2003 وكانت معروضة معاقين 60 الف

رد: استيراد سيارة معاقين من المانيا
 

ممكن رقم اللى بيبيعها لو سمحت؟

على فكرة يا استاذ صاحب الموضوع جمركها هيبقى عالى اوى يعنى تقريباً من 65.000 جنيه الى 75.000 جنيه لان ال92 بتدفع حوالى 36.000 جنيه وال98 بتدفع حوالى 42.000 جنيه واعتقد ان ال2007 هتدفع زى ما قلتلك وممكن تحسبها 40% جمرك اخصم منهم اول سنة استعمال 10% بعدها 5% عن كل سنة بحد أقصى 50% وبعدها احسب خصم 20.000 جنيه للمعاق هيطلعلك الناتج بس بردو اتأكد من الجمرك لانهم بيتعاملوا بمنشور مش بالفاتورة اللى هتقدمها وكل عام وانتم بخير جميعاً

رد: استيراد سيارة معاقين من المانيا
 

أنا شفتها فى شركة كرستال بتاع سيارات المعاقين من 3 سنين. والحقيقة أنا مش متأكد السنة الموديل كامقبل 2000 أو بعد سنة 2000 ولكنها كانت شكلها زى ما يكون جديد وكان ثمنها 60 الف.

رد: استيراد سيارة معاقين من المانيا
 

شكرا لكل من ساهم بالرد وحقيقي مكنتش متوقع كل الاهتمام ده شكرا جدااااااا

رد: استيراد سيارة معاقين من المانيا
 

طيب معلش انا عندى سؤال انا انشاء الله هاجيب عربية لوالدى وهو معاق قوات مسلحة يعنى لية اعفاء جمركى 45 الف جنية يعنى لو انا استوردت العربية دى بى ام دبليو وجمركها 60 الف جنية هادفع بس 15 الف كدة مظبوط ولا انا حسبتها غلط

رد: استيراد سيارة معاقين من المانيا
 

<p></p>
<p>&nbsp;</p>

أيوة حسبتها غلط لان


أنت عارف الحسبة بتتحسب أزاى..
هما بيطرحوا من قيمة السيارة 45 الف جنية بالنسبة للمعاقين الحربين قيمة الإعفاء الجمركى للسيارة وبعدين يحسبوا الجمرك على باقى الثمن. يعنى الحكومة بتسامح فى 45 الف من ثمن السيارة وتأخد الجمرك على الباقى. ولان معظم السيارات المستوردة بتكون من الفئات اللى ثمنها قليل فالقيمة بتاع الجمرك بتكون بسيطة أو فى بعضى الأحيان التاجر مش بيدفع عليها جمرك اصلا. فبيجى الفرق فى السعر من هنا. يعنى مثلا اللانوس بتكون فى حدود 18 إلى 20 الف موديل 2000. يعنى ثمن العربية + الجمرك + مصاريف الشحن + مصاريف التاجر + الربح + 15% ضريبة مبيعات + 3% رسمة تنمية= 20 الف مثلا طبعا عربية زى دة مش ادفع عليها جمرك أو ادفع عليها مبلغ اى كلام وثمن العربية اصلا مش هتلاقية يزيد عن 6 او 7 الاف جنية من بلادها فمش تستحق جمرك اصلا...

إذن لو أشتريت عربية اقل من 45 الف جنية يبقى مش هتدفع جمرك اصلا ولو كانت العربية زى اللانوس يبقى هتدفع زينا 20 الف جنية مثلا.. علشان تستفيد صح تجيب عربية غالية علشان تحس بالفرق ولكن لو العربية رخيص يبقى هتدفع زى المعاق العادى. وكمان أنت ممكن تجيب عربية 1800 سى سى. يعنى الخلاصة لو هتجيب من العربيات اللى فى بورسعيد يبقى تقريبا هتدفع زينا لان سعر العربية لا يستحق عليه جمرك ولكن لو جبت عربية عالية هنا هيكون الفرق وتدفع ارخص ولكن اعتقد الفرق هيكون حاجة اقل من 10 الاف وليس اكثر....