رد: رابطة ملاك ومحبى السفينه فيات 132
 

بسم الله ما شاء الله
عربيتك شكلها نضيف و رايق يا قاضي
ربنا يباركلك فيها

رد: رابطة ملاك ومحبى السفينه فيات 132
 

بعد السلام والتحية على كل أعضاء رابطة ملاك ومحبي السفينة فيات 132 اللي ياما أتعلمنا منهم . أنا عربيتي محتاج شغل وكنت عايز أشدها بس مش عارف أشدها فين (عمرة ماتور - سمكرة ودوكو - وطقم كاوتش) يا ترى أروح فين يا ريت حد مجرب يدلني ويقولي تكلفة الحاجات ديه كام . وشكراً لأعضاء أحلى رابطة

رد: رابطة ملاك ومحبى السفينه فيات 132
 

ازيكم يا احبابى واحشنى اوى والله بس معلش بقه مدخلتش اليومين دول اصلى كنت مخنوق حبتين تلاته اربعه كده.

العربية صعبانة عليا وهى مركونه تحت البيت كده واللى زاد البله طين ان هفحص اخر الشهر يعنى لازم تبقى نمرة واحد بس بإذن الله هتبقى البريمو.

عربيتك بسم الله ماشاء الله يا محمد ربنا يحرصهالك ويكفيك شرها واحلى ما فيها انها محتفظة برونقها ومفيهاش لعب ناقص بقه الكارتيرات والعتب النيكل بتاعها وتبقى عروسه.
وانا ناوى اعمل كده بس مش عارف ابتدى بايه ؟؟
فرش واعزل الصالون الاول ولا سمكرة ودوكو الاول ولا عفشه وميكانيكا ولا ايه ؟
بس تقريبا لازم ابتدى بالسمكرة والدوكو عشان الفحق وغلاسة امه وخصوصا انى فى اسوء مرور عرفته البشرية على مر العصور
(( عذاب السلام )) قصدى مرور السلام.

يا جماعه عايزين اكبر عدد من الاعضاء يحضروا المقابلات والله الكل هيستفاد اوى والمقابلة اللى جايه السبت المقبل.


وان شاء المولى عز وجل اكون جمعت فلوس السمكرة والدوكو عشان مش عايز استخسر فيهم عشان احنا من بنشد كل يوم.

رد: رابطة ملاك ومحبى السفينه فيات 132
 

واحشنى اوى يا H انت وAimooo
والله شباب زى العسل وربنا يكرمنا كلنا ان شاء الله
مش هتنزل العرب قريب يا هشام ؟؟

عموما لو نزلت كلمنى ونتقابل
فى رعاية الله
:GROWIN~12:
:GROWIN~12:
:GROWIN~12:

رد: رابطة ملاك ومحبى السفينه فيات 132
 

اهلا بيك يا ابو حميد هكلمك على اللى اعرفه
عمرة الموتور كبيرها يوم ما يبقى الموتور مشنش وخرط كرنك والحوار ده تعمل فى رنج 2500ج
بس ان شاء الله يرجع بريمو من تانى

السمكرة على حسب هتعمل ايه بالظبط وهل فيه بارومه ولا لاء ممكن توصل ل 1000ج ده مثلا لو هتغير فى الصاج يعنى طبل ابواب والكلام ده ولو هتغير اكصدامات فبر بتاعت ال 2000 الواحد ب 140ج جديد بس طبعا من غير الكامر الحديد بتاع الفابريكة اما لو هاتجيبهم استيراد من 700 الى 1000ج من الوكاله او شلبى وممكن ارخص وانظف فى بورسعيد

الدوكو الصح من 2500 الى 3000 فى الحدود دى

الكاوتش حسب المقاس ولو هاتجيب بردجستون وده تقريبا ممتاز ممكن يعمل 400ج الفردة
الجنوط لو عايز مروحة 14 الطقم فى شلبى 1000ج 4 فرد استيراد مافيهمش الهوا اما لو سبور فايمن يفيدك بقه هو لسه شارى جنوط سبور وصورته رافعها

الاسعار دة متوسط قابله النقص او الزيادة بس ان شاء الله مفيش زيادة
:GROWIN~12: :GROWIN~12: :GROWIN~12: