مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   سرعات الفتيس (https://www.masrmotors.com/vb/showthread.php?t=34046)

tham1010 03-09-2010 06:05 PM

سرعات الفتيس
 
يا جماعة أنا لسة مش بعرف أسوق وعاوز أعرف حاجة لو سمحت منكم.

الفتيس بتاع العربية اللى أشترتها أمبارح فيه خمس سرعات للأمام بالإضافة للمرشدير للخلف. عاوز أعرف امته أغير من الأول للتانى ومن التانى للثالث وهكذا. يعنى لما تكون السرعة على كام مثلا امشى على الأول ولما تبقى كام أخد الثانى؟

هل ممكن أطلع على الثانى على طول أول ما أدورر العربية. ممكن أنتقل من الأول للثالث بدون المرور على الثانى. ولا لزم أخدهم بالتسلسل وأنزلهم بالتسلسل برضوا لو هوقف العربية؟

هل أثناء التغير بالفتيس أكون بدوس بنزين برضوا ولا برفع رجلى خالص من البنزين. ولا أخفف الضغط بس ولكن ابقى على البنزين برضوا؟

سمعت عن حاجة اسمها حرق الغيرات وإن دة بيأثر على زيت الماتور ويحرقة فما معنى حرق الغيرات؟؟؟


معلش طولت عليكم ولكن محتاج خبرتكم

sad-bird 03-09-2010 06:13 PM

رد: سرعات الفتيس
 
نوع العربية ايه

sad-bird 03-09-2010 06:27 PM

رد: سرعات الفتيس
 
اقتباس:

المشاركة الأصلية كتبت بواسطة tham1010 (المشاركة 240135)
يا جماعة أنا لسة مش بعرف أسوق وعاوز أعرف حاجة لو سمحت منكم.

الفتيس بتاع العربية اللى أشترتها أمبارح فيه خمس سرعات للأمام بالإضافة للمرشدير للخلف. عاوز أعرف امته أغير من الأول للتانى ومن التانى للثالث وهكذا. يعنى لما تكون السرعة على كام مثلا امشى على الأول ولما تبقى كام أخد الثانى؟

لو العربية فيها ار بي ام بتعرف من الكتالوج بتاعها او من اللي باعهالك او تدور على اققصي عزم ليها بيكون عند كام وفيه موضوع هنا عن القيادة الريضاية فيه كل الكلام ده لكن طبعا اختلفا الار بي ام من عربية للتانية علشان كده انا سألتك نوع العربية ايه





هل ممكن أطلع على الثانى على طول أول ما أدورر العربية. ممكن أنتقل من الأول للثالث بدون المرور على الثانى. ولا لزم أخدهم بالتسلسل وأنزلهم بالتسلسل برضوا لو هوقف العربية؟

الغيارات في الفتيس لكل غيرا وظيفة
الأول وظيفته انه يعمل عزم كبير علشان يبدأ يحرك العربية
التاي برضة عزمة كبير لكن مش زي الأول
التالت والرابع والخامس كلهم بيعتمدوا على الهورس باور ودول علانش لما العربية خلاص اتحركت وبقيت على الطريق تبدأ تجري بيها

وانت بتنقل لازم الترتيب من الأول ثم الثاني ثم الثالث وهكذا
لو نقل من الاول للتالت العربية هتفصل منك
لو نزلت من التالت للأول والعربية ماشي بتعمل Engine Breack وده مبتعملوش غير في حالة انك ماشي ولقيت مش معاك فرامل وده لو اتكرر كتير غلط على الماتور والهدف منه انك تقلل تسارع العربية علشان لا قدر الله لو فيه حاجة جايه قدامك في الحالة دي بدل ما تخبطها على سعرة 100 لا بتخبطها على سرعة 30
وربنا ما يحوجك للموضوع ده ويستر طريقك

لكن فيه بعض المواقف انت بتحتاج فيها تنزل من سرعة عالية لسعرة منخفضة زي انت ماشي على الرابع ولقيت مطب بيقرب عليك بسرعة بتمسك دبرياج وفرامل واحده واحده علشان مش تخمس بالعربية وبتمور العربية وبعدين بتاخد الغيرا اللي متوافق مع السرعة اللي انت ماشي بيها اذا كان الأول أو التاني وده مش فيه خطر على الماتور

هل أثناء التغير بالفتيس أكون بدوس بنزين برضوا ولا برفع رجلى خالص من البنزين. ولا أخفف الضغط بس ولكن ابقى على البنزين برضوا؟

لما يتاخد الغيار بتسيب سنة بنزين علشان تحافظ على الار بي ام بتاعك لكن مش بتدوس قوي وفيه عربيات ممكن تسي البنزين خالص لو الاكسلاتير عالي شوية مش بتحتاج انك تفضل دايس وبعد كده بتدوس بنزين وانت بتسيب الدبرياج بالتدريج توازن بين الاتنين

سمعت عن حاجة اسمها حرق الغيرات وإن دة بيأثر على زيت الماتور ويحرقة فما معنى حرق الغيرات؟؟؟

لا اعلم لكن تقريبا ده مرتبط بالموضوع بتاع الغيرا لاعكسي اللي قولته لو الفرامل سايبه


معلش طولت عليكم ولكن محتاج خبرتكم

تحت امرك يا باشا وهخلي انجكشن يجي يقولك احسن مني هو معلوماته افضل مني كتير

tham1010 03-09-2010 06:35 PM

رد: سرعات الفتيس
 
العربية هيونداى ماتركس 2001 إستيراد كورى الصنع

tham1010 03-09-2010 06:51 PM

رد: سرعات الفتيس
 
1 مرفق
أنا متشكر جدا يا ساد بيرد. يعنى الحكاية بعدد لفات الماتور (أر بى أم) فى العربية الماتركس فى عداد لدة بس مش كنت عارف بتاع أيه مكتوب علية 1 - 2 -3 4 - 5 -6 والصورة موجود تحت للشكل التابلوة


الساعة الآن 02:55 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017