|
مش عارف احط زيت ايه بعد الشنبر ؟
دلوقتي انا عربيتي بونتو كلاسيك ٢٠٠٩ عاملة ١٣٣ الف كيلو غيرت طقم شنبر و جوان وش سلندر من حوالي ٣ اسابيع مشيت عليها حوالي 800 كيلو لحد دلوقتي الميكانيكي كان حاططلي زيت تقيل Shell helix hx3 SAE50 الاحمر احادي الدرجة و قالي نزله بعد ١٥٠٠ كيلو و حط شل الاصفر عايز اعرف ايه الصح بالظبط ؟ انزله امتا ؟ و احط ايه مكانه يكون زيت كويس مهما كان غالي ؟؟؟ بس يكون مناسب للموتور و لزوجته ايه ؟؟؟؟ عشان كان فيه مهندس قالي المفروض تحط 5w40 و انا اللي اعرفه ان ده بتاع المواتير الجديدة بس ارجو الافادة
|
رد: مش عارف احط زيت ايه بعد الشنبر ؟
بص يا ماركو اللى يقولك هو عارف حالة الموتور ايه بالظبط وايه الانسب ليه بالظبط من غير كشف يبقى كداب
لكن بناء على كلامك المفروض اللى قالهولك الميكانيكى صح الزيت الموجود يمشيك 1500 - 2000 كم كويس وبعدها تنزله هو الفلتر وتحط زيت شل هيلكس ده ممتاز انا بستخدمة فى عربيتى برضو وموتورها نفس حالتك تقريبا وده رابط فيه اسعار مواصفات الزيوت فى السوق اليومين دول https://www.masrmotors.com/%D8%A7%D8...5%D8%B5%D8%B1/ اما لو عايز تصرف وعايز تعمل تنظيف للموتور ديه قصه تانية ممكن اقولك عليها لو ده قصدك |
رد: مش عارف احط زيت ايه بعد الشنبر ؟
طب قولي كده ايه موضوع التنضيف دا ؟
|
رد: مش عارف احط زيت ايه بعد الشنبر ؟
تنظيف الموتور ليه حلول كتير من غير فك هقولهوملك باختصار واحدة واحدة
1- طريقة التغيير المتعاقب للزيت - وديه اسلم وأأمن طريقة وديه فكرتها انك تستخدم زيت عادى فيه منظفات عادية detergent كاضافات زى اللى فى الشيل هيلكس وتغييرة كل مرة هو الفلتر مرتين تلاته تكررها على مدى 2000 - 3000 كم يعنى التكلفة سعر 3 عبوات زيت + 3 فلاتر زيت 2- طريقة التنظيف الكميائى FLUSHING وده بيبقى منظف فقط بيتباع على شكل عبوة بتضاف على الزيت وليها طريقة مفصله حسب كل نوع والاساسيات هى انك بتحط العبوة وتشغل الموتور دقائق وتقوم منزل الزيت بالمنظف طبعا الطريقة ديه ليها تفاصيل وتركات ولازم تتعمل صح علشان ممكن تعمل مشاكل اقلها ضعف السحب او اسواء 3- طريقة التنظيف باستخدام زيوت الديزل وديه ببساطة هى نفس اول طريقة بس الاختلاف اننا بنستخدم زيوت الديزل لان نسبة المنظفات فيها اكتر وتعمل بيها مشوار وتغيرها وبعدين زيت عادى حدد انت ناوى تعمل ايه وانا هتابع معاك ان شاء الله |
| الساعة الآن 09:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017