|
الABS وسنينه !! تجربه مريره!!
انا هقول تجربتى العمليه مع الABS واحكموا انتوا لأنى حزين جدا ،
امبارح وان مروح بالليل على احد الطرق السريعه فوجئت بأحد المطبات الكبيرة العاليه وكنت ماشى على سرعه حوالى 80 وهوب ضغطت على الفرامل بسرعه فسمعت زى اصوات حشرجه واحتكاكات ،،وان العربيه تقف ! ماتقفش ، المهم أكلت المطب وانا على سرعه تقريبا 60 وهوب طرت فى الهواء ونزلت على بوز العربيه ، والحمد لله جت سليمه ، ولكن لو كان نظام الABSكده تبقى مصيبه بمعنى على حسب ما قرأت عنه انه لا يقوم بايقاف السيارة فورا ولكن يعمل على توزيع السرعات على العجل حتى تمنع الأنزلاق طيب دى مفهومه فى حالات الزيوت ، طيب فى حاله لو فوجئت بسيارة ولا لا مؤخذه بقرة أو حمار قدامك يبقى طبعا هتدخل فيهم وانت مبسوط بالABSولا انا غلطان ياجماعه حد يفهمنى لو سمحتم ،وايه الحل اصلى حقيقى متنرفز من الموضوع ده،، وشكرا مقدما |
رد: الABS وسنينه !! تجربه مريره!!
الف حمدالله على سلامتك اهم شئ نفس اللى حصل معايا فى مطب قبل كده وسمعت تخبيط الABSواكلت المطب برضه
|
رد: الABS وسنينه !! تجربه مريره!!
فعلاً على الاراضي الصلبة الفرامل العادية افضل من ال اي بي اس لكن لو في رملة او زيت او مية ال اي بي اس افضل ( يعني مسافة الوقوف اقل ) لكن بردو الاي بي اس بيخليك مسيطر على العربية وانتا دايس فرامل ( تقدر تحود يمين وشمال ).
|
رد: الABS وسنينه !! تجربه مريره!!
المهم انك بخير وحمد الله عالسلامه واللي اعرفه ان ال abs مش مسعف زي العادي وخصوصا في اراضي الصلبة ( الاسفلت )
|
رد: الABS وسنينه !! تجربه مريره!!
لاة ما انا عارف الموضوع دا عشان كدة مبحبش نظام الفرامل دا بص يا صديقى اقراء كلامى للاخر وانت تفهم
1-من اخترع هذا النظام هم الالمان فى حدود التسعينات لاسباب عديدة 2-اخترعوها للعربيات عندهم وبعدها الدول التانية اليابان كوريا وهكذا 3-طبعا هناك مفيش حاجة اسمها مطبات نهائى بمعنى الكلمة لانى لو انت حقوق زى وتعرف دستور الخارج هتلاقى انى فى قانون معمم فى كل بلاد اروربا وهو تحريم المطبات دوليا يعنى مفيش حاجة اسمها مطب اخرك فى الكلام دا نقرة فى الارض 4-لذلك هتلاقى هناك محدش بيدوس فرامل عشان يقف نهائى طبعا مش فى كل المواقف انا بقول اغليبة التوقف هتلاقى مثلا طوبة فى الشارع من انحدار جبل ومثلا نقرة فى الارض عايزة تفاديها الكلام دا كلة مش عايز توقف تام وسريع لاة عايز فرامل ونفس الوقت عجلة توجية لتفادى الموقف 5-واخيرا هنا بقى فى مصر هه ام الدنيا عايز فرامل اية بى اس تعمل اية بيها هنا هههههههه انت عايز فرامل تدوس تقف زى العادية لانك هنا بدوس جامد لية عشان متخدش المطب الحقير اللى فى وشك يعنى معاك اية بى اس وقابلك مطب هههههه هتحود شمال او يمين هتاكلة هتاكلة مفيش غير انك تقف خالص طبعا دا فى مصرنا الحبيبة طب لو نقرة اساسا فى مصر متعرف حاجة اسمها نقرة دى بتبقى حفر يعنى هتقع فيها هتبوظ العربية يعنى لازم تقف برضة وعشان كدة لما جبت العربية بتاعت والدى صممت فى المعرض انها تكون من غير اى بى اس والراجل يقولى ازاى يا عم دا احسن ليك وانا اقولة لالالالالالالالا يعنى لالالالالا وفعلا كلامى ابويا عرفة بعد ما شاف بنفسة مشكلتنا هنا فى مصر يقولك دى خاصية جامدة دا مش عارف اية دا طلعت فى بلاد برة يبقى لازم نستعملها هنا لالالالا انسى احنا بنجيب اى بى اس هنا فى مصر عشان بس وقت البيع العربية تجيب سعر عالى اصلى فيها اى بى اس ههههههههه ويبقى شعب مصر كما هو وتبقى مصر كما هى ام الدنيا |
| الساعة الآن 05:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017