|
أنا كدة أبقى تبع مرور أية
يا جماعة آخر حاجة سمعتها إنهم قاموا بتقسيم مرور العجوزة وتوزيعه على وحدات قريبة منه، وأنا من سكان أرض اللواء فيا ترى أنا كدة هبقى تبع مرور أية؟ أو إذاي أعرف أنا هبقى تبع أنهي مرور ؟ |
رد: أنا كدة أبقى تبع مرور أية
انا مش لاقى اى حاجة عن موضوع التقسيم اللى اعرفه انها اعيد افتتاحها فقط وكل حاجة زى ماهية
وأشار إلى أن إجمالى السيارات المرخصة بالوحدة فعلياً 109144 سيارة، ويبلغ حجم المترددين على الوحدة من المواطنين يومياً حوالى 700 مواطن. افتتح الدكتور على عبدالرحمن، محافظ الجيزة، واللواء عابدين يوسف، مساعد وزير الداخلية، مدير أمن الجيزة، صباح الثلاثاء ، وحدة تراخيص مرور العجوزة بعد تجديدها من التلفيات التى وقعت بها أثناء أحداث ثورة 25 يناير. وأكد اللواء فهمى الهلباوى، مدير الإدارة العامة لمرور الجيزة، أن وحدة مرور العجوزة منشأة منذ عام 1983 وتقدم خدماتها للمقيمين بدائرة العجوزة وإمبابة والوراق، وأنها تعرضت للإتلاف والحرائق أثناء أحداث ثورة 25 يناير، حيث تم وضع خطة لترميمها وتجديدها وتختص الوحدة بإصدار وتجديد ونقل وقيد وإلغاء رخص القيادة الخاصة ورخص تسيير المركبات الخاصة وتخدم الوحدة أكثر من 1.5 مليون مواطن. وقال مدير إدارة مرور الجيزة إن حجم رخص القيادة المستخرجة من الوحدة يومياً، سواء تجديد أو استخراج أول مرة 150 رخصة بإجمالى 45 ألف رخصة سنوياً، وأن حجم رخص التسيير المستخرجة من الوحدة يومياً، سواء تجديد سنوى أو ترخيص أول مرة 300 رخصة يومياً بإجمالى 90 ألف رخصة سنوياً. وأضاف أن الوحدة تم تجديدها بأحدث الأساليب والوسائل التكنولوجية فى تقديم الخدمة المرورية. |
رد: أنا كدة أبقى تبع مرور أية
فعلا يا ابو نورا الكلام بتاع التقسيم ده مظبوط
الاول مرور العجوزة كان بيضم (امبابة-الوراق-بولاق-والعجوزة طبعا) وعشان يخفوا الضغط قالو مرور امبابة والوراق هيبقى تبع الوراق على اساس النطاق الجغرافى فى حالة الاستاذ ibrahimkellany لو محل اقامته ارض اللواء يبقى تبع العجوزة بس مانصحش اى حد فى مرور العجوزة انه يتنقل لمرور الوراق ولو حد لسه بيعمل ملف سواء عربية او رخصة يحاول بقدر الامكان يقدم فى العجوزة لان ورو الوراق زفت الزفت وحاجه كده شبه السلام لكن مرور العجوزة نضيف ومنظم.. انا من امبابة وحسب الكلام الجديد يبى المفروض اروح الوراق ... بس انا مش مجنون ههههههههه ان شاء الله هاروح العجوزة واستهبل كأنى معرفش .... وان شاء الله تقضى كان ليا واحد صاحبى ملف رخصته فى العجوزة وراح يجدد خروه بين العجوزة والوراق طبعا لبد فى العجوزة وراق ايه اللى يروحلها ملحوظة "اللى قولته على مرور الوراق بالسمع مش بالتجربة" |
رد: أنا كدة أبقى تبع مرور أية
السلام عليكم
افهم من كلامك يا اخ ابو نورة ان الرخص بمصر يتم استخراجها سنويا على سبيل التجديد بالجزائر الرخصة الاولى تصدر لمدة سنتين تم تجدد مرة كل 10 سنوات . |
رد: أنا كدة أبقى تبع مرور أية
النظام هنا مختلف
الرخصة بتتجدد كل سنه او سنتين او ثلاثة سنوات حسب رغبة صاحب السيارة والضريبة بتتدفع على كل سنه + التأمين يعنى لو عايز اجدد لمده سنه ادفع ضريبة سنة واحد+ تأمين سنه يعنى لو عايز اجدد لمده سنتين ادفع ضريبة سنتين + تأمين سنتين يعنى لو عايز اجدد لمده ثلاثة سنوات ادفع ضريبة ثلاثة سنوات + تأمين ثلاثة سنوات بالاضافة الى الفحص الفنى اللى بيتم كل ثلاثة سنوات فى كل الاحوال مثلا لو عملت رخصة لمدة سنة فى 2013 اجدد الرخصة 2014 وافحص 2016 لو عملت رخصة لمدة سنتين فى 2013 اجدد الرخصة 2015 وافحص 2016 لو عملت رخصة لمدة ثلاثة سنوات فى 2013 اجدد الرخصة 2016 وافحص 2016 يعنى فترة الفحص ثابتة والتجديد هو اللى بيتغير |
| الساعة الآن 02:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017