دى تجربة شخصيه ارويها لعلها تمنع سرقه جديده
========================
انا اقوم بالعمل فى ايجار السيارات من عام 1990 يعنى متعدوووووووووووووش بقه :shyy:
المهم اتصل احد العملاء على ارقامى الموجوده عندكم يطلب سياره اتوماتيك لانسر او النترا او اى فئه لمدة شهر ..واعطانى العنوان والموبيل ورقم تليفون العمل ... ولما كانت كل سياراتى مؤجره .. فقمت بالاتصال باحد زملائى ( س ) باحدى شركات الايجار المعروفه وعرضت عليه الموضوع بكل أمانه .. وقام هو بدوره بالاتصال بزميل آخر له ( ص ) لا اعرفه أنا وابلغه بالموضوع وابلغه كل شىء فيما عدا ان المتصل ده غير معروف لى وانه اتى عن طريق النت . برغم انى اكدت على زميلى ( س ) ان يبلغ اساسآ بهده المعلومه حتى يأخد كل احتياطاته ... فرد وقال انه لا يحتاج ان اقول له دلك ده يعلمنا كلنا نعمل ايه .. وكان داخلى شك لا اعلم ما سببه ولهدا اتصلت به اكتر من مره اسأله بلغته قالى لأ خلاص بقه انه قولتله ياخد اجراءاته المتبعه .

ومش هطول عليكم اكتر من كده المهم الراجل ( ص ) ارسل السياره فى العنوان وسلم العربيه للراجل فى الشارع واخد كل الاوراق وقيمة الايجار بالكامل .. ولما انتهت المدة يتصلوا على الراجل لاقوه قافل الموبيل وطلعت كل الاوراق مضروبه ولا اساس لها .
فوجئت بزميلى (س ) يتصل بى :070104~242: الحقينى يا حنان الراجل ما بيردش وراحوا العنوان ملقهوش صح ..
شوفى اى تفاصيل عندك .. قولتله انا ما عنديش غير البيانات اللى ادتهالك طب معلشى اتصلى كده على الارقام وشوفى .. طبعآ مفيش ارقام اصلآ خلاص كله مقفول
شويه واتصل ( ص) يسألنى فابلغته بكل التفاصيل وانى اكدت على ( س ) يبلغك ان العميل عن طريق النت وان ده اول تعامل ولا اعرفه نهائيآ . .فقلت له انا كده غلطانه .. قالى لأ كده هو اللى لبسنى فى الحيط ..هو قالى ان ده عميل مدام حنان وبما ان حنان مصدر ثقه فاى حد من طرفها هيكون كدلك .. خلاص انا هرجعله وهشوف هنعمل ايه . فعاودت الاتصال بزميلى (س ) لا يرد .

الخلاصه طلعت العربيه بتاعة فرد مديها لشركة الايجار اللى يعمل فيها ( ص) والراجل لسه جايبها زيرو وعليها اقساط .. ولدلك يصعب الابلاغ عن سرقتها كمااااااااااااااااااان ... لأن فى الحالة دى سيسقط حق صاحب السياره فى الحصول على تامين نتيجة مخالفة عقد التأمين اللى بينص على عدم تاجير السياره خلال مدة التأمين .. موقف فى غاية الصعوبه ... واجتمعت الاراء فى النهايه على تقسيم قيمة القسط على كل الاطراف المشتركه فى الحدث لأن صاحب العربيه لا حول له ولا قوة .. وادبست فى مبلغ 500 ج شهريآ طوال ال 8 شهور الماضيه الى ان حصل صاحب السيارة على قيمة التامين .

وعاوزه اقول كلمه اخيره انه لا مجال للثقة فى تأجير السيارات حتى لو كان المستأجر جايلك عن طريق اخوك .. الاحتياط والحرص واجب . :01FDAB~189: