رد: اسعار قطع غيار السياره الادا الاستيراد
 

لاده ولا انواع اخرى ؟؟
وهاتدخلها من ميناء ايه ؟؟
ةعايز عربية ولا كونتينر ؟؟
وملاكى ولا نقل ولا ايه بالظبط ؟؟

رد: اسعار قطع غيار السياره الادا الاستيراد
 

السلام عليكم

كنت بسال عن العربيات الالماني بي ام , فولكس, مسيدس
من ميناء السويس او الاسكندرية, وهل هي بتتقطع في بلدها ولا بتيجي سليمة وانا الي بقطعها هنا و لو اتقطعت نصفين بيكون بالشاسية ولا اية بالظبط نرجو الافاده من اهل الخبرة

رد: اسعار قطع غيار السياره الادا الاستيراد
 

1- بخصوص الالمانى معرفش اى حاجه عنها بصراحه
2- بخصوص الميناء .. انصحك تدخل الكونتينر من بورسعيد .. ومتفكرش تدخله من اى مكان تانى
3- العربيه بتتقطع نصفين من بلدها لان لو جت سليمه ممنوع دخولها
4- اكيد العربيه بتتقسم نصفين بالشاسيه بكل حاجه

رد: اسعار قطع غيار السياره الادا الاستيراد
 

جزاك الله خير يا باشا

بس انا سمعت ان العربية بتدخل من غير شاسية, هل حضرتك متاكد من معلومتك دي .
فقط نصفين كل نصف شامل عفشتة بسقفة ببيبانة وصالونة؟

رد: اسعار قطع غيار السياره الادا الاستيراد
 

حضرتك الشاسيه حزء من العربيه اللاده .. انا بروح اشترى العربيه كامله .. قطعتين + سقف ( لان السقف مش بيكون مقطوع ) ... وبتكون كامله من كل شئ معادا الكوتش وشويت حاجات بنعرف نعديها من ميناء بورسعيد فقط عن طريق مهربين متخصصيف فى الموضوع ده.
وكل حاجه ماشيه بالرشوه .. او الحلاوه زى ما بيسموها.
ولو اول مره تجيب حاجه انصحك تشوف حد شغال فى الموضوع ده يشاركك او تلف كتير وتسافر وتسأل ومتشتريش الا بعد ما تكون لفيت السبع لفات .. علشان فى ناس كتير بتخسر فى الموضوع ده لانهم فاكرين ان الموضوع مجرد بيع وشراء فقط.
وعلى العموم الموضوع مربح جدا ان شاء الله.
بس انا بتكلم عن اللاده او الفيات فقط .. او النصف نقل + الميكروباص ... غير كده معرفش اى حاجه تانيه .. وحتى لو اعرف .. معلوماتى مش هاتفيدك.