محتاج مساعدتكم باقصي سرعة لشراء عربية جمرك اسكندرية
 

انا قدامي بيجو 307 موديل 2005 ب 25000 بس بتاعت واحد الماني مش مصري و مركبة لوحة جمرك اسكندرية وهيا بقالها 4 سنين في مصر ومش عارف انا لو اشتريتها هينفع اصلا يتفكالها حظر وتترخص ملاكي ولا لا .....يعني زيها زي سيارات المعاقين ولا زي ما قريت ان عربيات الجمارك بتاعت الاجانب لازم تيجي عليها وقت وتخرج من مصر..وحتي لو حصل واتفكلها جمرك فالعربية كده هتكون اتكلفت كام ....معلش هطول عليكم في سؤال كمان ازاي البيع هيتم واية هيا المستندات المطلوبة
شكرا مقدما لكل اللي هيشارك براية وارجو منكم الرد في اسرع وقت

رد: محتاج مساعدتكم باقصي سرعة لشراء عربية جمرك اسكندرية
 

السلام عليكم
ابعد عن الشر وغنيله
العربيه سعرها مستعمل فى مصر من 50 الي 55 ألف
قطع غيار مفيش , الجير بوكس بيبوظ علي طول وب 40 ألف

فى النهايه لازم صاحب العربيه وشاريها من المصنع أللي ودخلت مصر علي اسمه يخلص ورقها فى الجمرك (ممكن يكون فيه اجراء توكيل بس العربيه متستاهلش البهدله فى الشهر العقاري ومصلحه الجمارك والقنصليه والخارجيه...............)
فى 90% من الشركات الأجنبيه فى مصر تلائي عربيات جمرك مرميه في الجراج ومش بتتحرك (دخلت مصر علي اسم خواجه وبعدين سافر أو مات) وتفضل العربيه زي البيت الوقف

انا شغال فى شركات اجنبيه منذ 10 سنين وديه نصيحتى

رد: محتاج مساعدتكم باقصي سرعة لشراء عربية جمرك اسكندرية
 

فعلا بلاش من الموضوع ده خلاص

رد: محتاج مساعدتكم باقصي سرعة لشراء عربية جمرك اسكندرية
 

شكرا جدا علي الرد يا شباب وطالما انتم شايفين كدة يبقي ربنا يعوض علينا بحاجة احسن:018A1D~146:

رد: محتاج مساعدتكم باقصي سرعة لشراء عربية جمرك اسكندرية
 

برجاءءءءءءءءءءءءءءءءءءء حذف الموضوع لعدم الافادة