انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
 

رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
 

هدي نفسك يا زعيم
انا مقدر مشاعرك بس النرفزة هتعود عليك انت الناس ده متعودين علي كدة و الكلام مباثرش فيهم
خليك هادي و هددهم بحماية المستهلك و نفذ تهديدك اذامحلوش المشكلة

شوف الموضوع ده اكيد هيرحك باذن الله
http://www.masrmotors.com/vb/showthread.php?t=15627

رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
 

ربنا يكرمك يا حورس باشا
وربنا يقدم الخير
بس بجد النهارده موضوع الفرامل ده مضايقني لانه ساب وانا بتفادي عيل صغير
يعني لو كنت دوسته كنت روحت في داهيه
وربنا يقدم الخير ان شاء الله

رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
 

طب متكلم حقوق المستهلك

رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
 

اولا : هدي نفسك و تحكم في اعصابك شويه و انا بقولك النصيحه دي مش غتاته لاني زيك عصبي جدا و ساعات لساني بيفلت بس لازم نحط اعصابنا في تلاجه و نهدي من نفسنا عشان العصبيه مش هتحل حاجه و بالهدوء كل حاجه هتتحل ان شاء الله ( صحتك بالدنيا كلها )

ثانيا : هنحلل العيوب بهدوء اعصاب و هنشوف ايه الحلول :
1- الفرامل :
المفروض ان فيها فرامل abs يعني لما تشعرلها تبدي العربيه تقف و طبعا ده مبيحصلش معاك فمؤقتا اكبس علي دواسه الفرامل و لو العربيه بتقف مع كبسه الفرامل يبقي الفرامل اخده هوا و ده عادي خصوصا في الجو السقعه ده و هتتحل بمنتهي السهوله في التوكيل و لو مع كبسه الفرامل العربيه مبتقفش كويس يبقي في مشكله فعليه في الفرامل و هتتحل في التوكيل بمنتهي الهدوء و هقول لحضرتك تتعامل معاهم ازاي

2- صوت المحرك :
العربيه لسه زيرو و لما هيتغيرلها زيت في صيانه ال 5000 كيلو هيبقي الصوت حاجه تانيه ان شاء الله و متنساش ان العزل مش حلو اوي في العربيه دي و ده من عيوب التقفيل و هقولك هتعمل معاهم ايه في الموضوع ده

3- موضوع السرعه :
يا باشا العربيه زيرو و مينفعش تعدي ال 100 في فتره التليين طالما العربيه عامله اقل من 5000 كيلو يبقي لسه في فتره التليين و طبعا الحمد لله انها بتجيب ال 120 معاك لان كده غلط علي المحرك و بقولك كده من واقع خبرتي و الموضوع ده مش عيب و لا حاجه و طبعا تتاكد من كلامي في التوكيل عشان قلبك يستريح و معنتش تجري بيها جامد و انت لسه معملتش ال 5000 كيلو عشان تحافظ علي المحرك

4- الكاسيت و السماعات :
الكاسيت الكينوود مصري و كان عندي في الفيرنا و ممنوش مشاكل و علي العموم ممكن يكون في سلك فالت او فيوز محروق يعني مشاكل كهربه بسيطه جدا و طبعا تنضف العدسه عشان الكاسيت يشتغل عدل معاك اما السماعات نفس الكلام و هتتظبط بمنتهي السهوله باذن الله و هقولك هتعمل ايه في الموضوع ده في التوكيل و كله هيبقي تمام

5- موضوع المرايات :
ممكن يكون كده طبيعي و الله اعلم عشان مفتيش عموما ممكن يكون المحور اللي بتلف عليه المرايه اللي بتتأخر يكون محتاج يتظبط او مشكله في الكهربه بسيطه يا باشا ان شاء الله

6- التقفيل الداخلي و الفرش :
العربيه تقفيل مصري و دي عيوب بسيطه في التقفيل و العيوب تعتبر مقبوله عند معظم الناس و طبعا حضرتك من البعض اللي مش متقبل بس ارجع و اقول قدر الله و ما شاء فعل و الحمد لله علي كل شئ و كل حاجه هتتظبط ان شاء الله و هتفرح بالعربيه باذن الله تعالي

و يا ريت تكلمني يا باشا علي رقمي 0198139130 عشان اقولك هتقولهم ايه لان ليا خبره كبيره مع التوكيلات و كل حاجه هتتظبط ان شاء الله