هدية مني لكل محبي الايمجراند والجاك و ال بي واي دي مبيعات شهر سبتمبر 2012
هدية مني لك استاذ احمد دعباس لعلها تكون بشرة خير عليك وكل محبي هذه السيارات طبعا دا في الصين بس لازم نعمل الف حساب لهذه الارقام لانهم اقدر علي التعرف علي هوية هذه السيارات اكثر منا ( ولا ليكم راي تاني) ---------------------------------------------- مبيعات السيارة ايمجراند ec7 لشهر سبتمبر 2012 مبيعات شهر سبتمبر: 15886سيارة في فئتها رقم 9 بزيادة 5733 سيارة عن شهر اغسطس لنفس العام ---------------------------------------------- ودي مبيعات الجاك J5 عن نفس الشهر مبيعات شهر سبتمبر: 8607 في فئتها رقم 19 بزيادة 3039 سيارة عن شهر اغسطس لنفس العام ---------------------------------------------- ودي مبيعات byd f3 عن نفس الشهر مبيعات شهر سبتمبر: 9513 في فئتها رقم 17 بناقص 1709 عن شهر اغسطس لنفس العام ( وكلنا عارفين ان دا نتيجة تطوير شركة BYD للسيارة تحت مسمي جديد بتكنولوجيا جديد فلازم تكون دي النتيجة فعلا وربنا يستر علي ال F3 ) وسوف اوافيكم بكل جديد ان شاء الرحمن تحياتي |
رد: هدية مني لكل محبي الايمجراند والجاك و ال بي واي دي مبيعات شهر سبتمبر 2012
يا باشا الارقام دة ممكن تكون في الصين فعلا أو في أي دولة أوربية أو اسيوية اللي عندهم اهتمام غير عادي بجودة المنتج اللي داخل البلد مش مجرد عربية بأربع عجلات زي عندنا , للأسف السيارة اللي بتنزل مصر غير السيارة اللي موجودة في الصين أو أوربا أو أمريكي علي الرغم من انها نفس الماركة والموديل بس فرق السما من الارض عندنا في مصر كل ماشي شخلل عشان تعدي , نفسي اركب عربية زي اللي بتنزل في بلدها مش ناقص منها حاجة وبسعر بلدها
|
رد: هدية مني لكل محبي الايمجراند والجاك و ال بي واي دي مبيعات شهر سبتمبر 2012
اقتباس:
اتفق معك جدا في هذا ولكن اختلف في جزئية بسيطة وهي ان اهم شئ في العربية هي اساسياتها ودي في اعتقادي انها لا تختلف عن بلد المنشاء سواء في اي بلد غير بلد المنشأ او مصر يعني متقولش مثلا ان الشاسية والبادي والابواب والتعليق والماتور وكثير من هذه الاساسيات هتختلف عن بلد المنشأ لانها وحتي مع التجميع المحلي بتييجي وبتتقفل هنا وحتي مع وجود 40% منتج محلي واللي اشك اصلا ان فيه احد يلتزم بهذه النسبة لانه كما تعلم ان المنتج المصري رغم انه قد يكون اقل جودة الا انه لا يستطيع منافسة المستورد في الاسعار خاصة الصيني وبيكون افضل انهم لا يكثرو من ادخال المنتج المحلي لانه المستور بيكون ارخص لهم ( والله اعلم) ولكن اتفق معك انهم بيقللوا فعلا في اوبشن العربية علشان يقدر يحصدوا اعلي ربح ولاحظ ان فيه بعض الناس تييجي علي اعلي فئة في بلادها وممكن يكون سعرها اعلي من المعروض في مصر ويقولك اهه شوف شالوا منها الاوبشن وفي النهاية مش لازم نلوم قوي التجار وحدهم في هذا الامر لان النمط الاستهلاكي لمعظم الشعب المصري انه يلتفت للسعر قبل الجودة ومن هنا بكون المستهلك هو اساسا اللي بحدد للتجار نوع المنتج اللي يتناسب مع ميول المستهلك وبتكون هي دي النتيجة اسف لان اطلت علي حضرتك لك مني خالص التحية وكل سنة والامة الاسلامية جميعها بخير وسلامة وعيد مبارك علينا جميعا اللهم امين يا ارحم الراحمين |
رد: هدية مني لكل محبي الايمجراند والجاك و ال بي واي دي مبيعات شهر سبتمبر 2012
اقتباس:
|
الساعة الآن 01:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017