كورولا عيون 99 ستيشن
انا كنت عاوز أسأل عن موديل كورولا عيون ستيشن موتور 1600 سى سى مانيوال جميع الكماليات
ايه اخبار العربية دى سعرها كام وهل ليها سوق ولا تقيلة فى البيع |
رد: كورولا عيون 99 ستيشن
قطع غيار متوافره يا دكتور لانها نفسها السيدان
المشكله في الفوانيس الخلفيه و الجزء الخلفي فيما بعد الباب فقط حاجتها موجوده برضه لكن اقل من العاديه بالطبع تقيله في البيع اكيد و غير مرغوبه الاسعار معنديش خلفيه عنها الصراحه |
رد: كورولا عيون 99 ستيشن
شكرا يا أستاذ حازم على الرد
انا شفت واحدة عيون على النت خليجى وفيها كمان 2 air bags صاحبها طالب فيها 43000 وطبعا ده سعر مبدئى قابل للفصال فأنا كنت بفكر اغير بس حتة اعادة البيع دى كانت قلقاقنى علشان العربية مش منتشرة |
رد: كورولا عيون 99 ستيشن
العربية دى انتشرت اوى بس للشرطة مستحملتش معاهم وتكهنت كانت عربيات الدورية فا كرها
وفى منها شنطة غريبة لهى محصلة هاتش باك ولا حتى استيشن عربية غريبة الشكل ونادرة انا شفتها مع بنت صاحب الشغل كانت جيباها مخصوص علشان التميز ميكنش حد راكب زيها النصيحة خليك فى السيدان احسن وشكرا |
رد: كورولا عيون 99 ستيشن
هى فعلا كانت مع الشرطة فى وقت من الأوقات وعموما اى عربيات فى الحكومة مبتعمرش متعرفش ليه هل من الإهمال ولا هما كده كده بيكهنوا علشان يجيبوا جديد
|
الساعة الآن 01:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017