تصليح وصيانه مكيف العربيه بدون فك وتركيب وبهدله - تجربه شخصيه
 

من كم يوم كده وانا خارج بليل والطريق زحمه فى امان الله الاقى التكيييف بيجيب صهد وطلع هوا سخن
اجيبه يمين شمال مفيش فايده
ادوس بنزين قولت يمكن الكمبروسر باظ وقل الضغط فازود
المهم التكييف قعد يومين مبيجيبش الا حر واخوكم فى السعوديه بلد الحر المشتعله
المهم روحت للتوكيل كانو عايزين يلبسونى المهم ربنا وفقنى وعترت فى فنى تكييف باكسانى انما ايه برسنه هحكيلكو عمل ايه بالتفصيل
1- قاس ضغط الفريون لاقاه 25 الفروض الضغط يكون ما بين 30 الى 38 بالكتير
2- قاس ضغط الهوا السخن الللى داخل الثلاجه لاقاه مضظبوط
3- شيك على الفيوزات اللى بتوصل دائره الكهرباء لاقاها مظبوطه
طب فين المشكله يا عم الحاج
المهم قالى نشوف بلف الامان (اول مره اسمع عنه)
قولتله ايه بلف الامان ده
قالى ده بالف موجود جنب الردتير بتاع التكييف لما الضغط بيزيد قوى مع الحر بدل ما يفض يضغط هوا وممكن العربيه تسخن بيخرج هوا بره الدائره عشان يقلل الضغط
المهم عمل ايه قالى بقا ننظف الرادتير بتاع التكييف قولته اوكى
1- جاب ازازه ميه كده لتر وكان فيها ميه نار ورشها على الرادتير بعد ما فك الشبكه بتاعه العربيه
2- جاب ميه عاديه وقعد يرشها ع الرادتير لحد ما لقيت كميه وساخه وتراب اسود نزلو من فتحته تسريب الرادتير
بعد كده شحن الفريون حاجه بسيطه
لان انا الفريون عندى كان ضغطه 25
وبعدها ماشاء الله التكييف رجع زى ما كانت العربيه زيرو
نصيحه لكل الناس افحص كل حته فى دائره التبريد قبل ما تفك القطع المهمه ممكن يطلع العيب اهبل

رد: تصليح وصيانه مكيف العربيه بدون فك وتركيب وبهدله - تجربه شخصيه
 

معلش هوه في حاجة إسمها رديتيرللتكيف ولا قصدك الردتير العادي بتاع العربية , والمكانيكي ده فين في الرياض ولا إيه النظام لإني بصراحة عندي مشكلة في التكيف إنه مش بيرد كويس في النهار فعاوز أتكد المشكلة من فين من الكمبروسر ولا حاجة تانية .
وشكرا

رد: تصليح وصيانه مكيف العربيه بدون فك وتركيب وبهدله - تجربه شخصيه
 

هو أكيد يقصد سربنتينة التكييف اللي جنب الردياتير العادي وبتفرق جامد بعد التنضيف

رد: تصليح وصيانه مكيف العربيه بدون فك وتركيب وبهدله - تجربه شخصيه
 

مشكور على المعلومات

رد: تصليح وصيانه مكيف العربيه بدون فك وتركيب وبهدله - تجربه شخصيه