انا محتاج مساعدة منكم سريعا
 

انا معايا اوبل فيكترا 2001 جبتلها كسوة جلد من التوفيقية وروحت للسروجى ركب الكسوة بس لقيت ان الكنبة بقي تلتين وتلت لوحدة يعنى تحس ان الكنبة مقسومة نصين التلتين اعلى من التلت يعنى فى فرق بينهم و غير كدا فى فرق بين الضهر بتاع الكنبة والشلتة نفسها فا هل هى بعد تركيب الكسوة بتبقى كدا فعلا ولا دى مشكلة سروجى ... وبعدين الكراسى بعد ما ركبت الكسوة الضهر مش عايز يرجع لورا خالص فا مين الى بيصلح الكراسى دى وهل هتحتاج ان الكرسى يتفك كله بالفرش الاصلى ولا اية الى هيحصل بس انا اسف انى طولت بس بجد انا محتاج مساعدتكم لانى حاسس انى بيضحك عليا

رد: انا محتاج مساعدة منكم سريعا
 

ههههههههههه
قدر الله و ما شاء فعل
ببساطة انت رحت لسروجى (.........) مش هاقول
يا باشا انت محتاج سروجى محترم و على فكرة مش أى حد يشتغل فى الأوبل و البى ام و المرسيدس ، لأن العربيات دى لها شغل بحرفية و كمان لو السروجى محترم و الفرش مش مناسب للأوبل كان ببساطة هيقول لك ( الفرش ده مش نافع يا أستاذ ) !
صح و لا غلط بس أهو ناس عاوزة تشتغل و تاخد فلوس و خلاص
وبعدين هو فك الكرسى و ركب الكسوة و بالمرة بوظ القواعد أو الشدادات أو حتى تلاقيه كسر اليد بحالها ، يا باشا انت المفروض ما كنتش تمشى من عنده غير لما تتطمن ان كل كراسى العربية مقاس واحد بعد الكسوة ، وكلها بتشتغل فى جميع الاتجاهات ، و بعدين حضرتك بتسأل مين اللى بيصلح الكراسى ؟؟؟
و للأسف اللى بيصلح الكراسى هو ( السروجى ) اللى بوظ لك العربية !!!
يعنى من الآخر انت رحت لواحد ( حـ ......) !!!
و الحل بقى يا سيدى انك تروح لسروجى تانى محترم ( بيفهم )
و تسأله الفرش ده حينفع ؟؟؟
إذا قال لك أيوه ، حضرتك تقول له استلم العربية منك خواجة و عشمه انك هتحاسبه كويس
و إذا قال لك لأ ؟؟؟
هنا تكمن المشكلة ، قدامك حل من الاتنين
الحل الأول انك تشيل السروجى الأولانى تمن الفرش كله مع تمن تصليح الكرسى
الحل التانى انك تستعوض ربنا فى كل اللى فات و تخلى السروجى الجديد يروح معاك و تشترى الفرش المناسب لعربيتك و تستلمها منه ، ان شاء الله زى ما انت عاوز و أحسن
و على فكرة كلنا عانينا من الصنايعية الزبالة اللى ما بيفهموش اللى كل همهم ياخدوا فلوس و خلاص
بيصلح بياخد فلوس ، بيبوظ بياخد فلوس ، واحد تانى بيصلح وراه بتكلف فلوس كتييييييير

بتفكرنى بعربيتى القديمة كان معايا على الموبايل نمر الساده كل ٍ من :

1. الأستاذ الباشمهندس العبقرى الميكانيكى
2. الباشمهندس الكبير الكهربائى العظيم
3. الأسطى اللى ما حصلش العفشجى
4. الكبير أوى اللى ايديه ما تخرش الميه الباشا السروجى
5. و اللى ربنا يبعدك عنهم السمكرى
6. و اللى ربنا ما يوريك خلقته البوهيجى

بص يا باشا ده قدر كل صاحب عربية مستعملة
ربنا يعوضك خير ان شاء الله :CHUBBY~36::CHUBBY~36::CH UBBY~36:

رد: انا محتاج مساعدة منكم سريعا
 

ربنا يخليك يا باشا على المساعدة دى ويكرمك يارب وانا هروح اصلا اطلع عينه وهشيله تمن الى حصل كله