ترخيص خدمة سريعة
 

السلام عليكم

عاوز اعمل مشروع خدمة سريعة للسيارات توجهت لحي وسط للسؤال عن شروط الحي وسط اسكندرية للحصول على الترخيص لكن فاجئني الموظف بان ده نشاط محظور ولا حتى على الصحراوي
حاولت اعرف منه ايه المحظور بالضبط هل خدمة وبيع الكاوتش أو البطاريات أو تغير الويوت أو ضبط الزواية كان رده محظور وبس زمباقولك كدة

ياريت لو حد يفيدنى عن موضوع التراخيص واذا كان فعلا محظور فليه في مصر وهو موجود في كل العالم وبعدين هل كل مراكز الخدمة في مصر غير مرخصة

أفيدونا أفادكم الله الحقيقة ايه والحلول ايه

وشكرا للجميع

رد: ترخيص خدمة سريعة
 

فعلا من ضمن النشاطات المحظورة ولا يمكن هايديلك ترخيص بالنشاط دة لانة ملوث للبيئة
ومعظم الناس اللى شغالة هى شغالة بدون ترخيص
محدش فيهم معاه رخصة تشغيل
كمان لو سمحلك بالنشاط وعشان تجيب رخصة التشغيل هتلف لفة كبيرة جدا جدا ولازم كاميرات مراقبة وتعالج الصرف الصناعى بتاعك وتتبع اشترطات الدفاع المدنى وقصة كبيرة وفى الاخر تاخد رخصة بثلاث سنوات فقط
هو دة حالنا ودى القوانين بتاعتنا
بمناسبة الكلام
لى صديق استورد بورسلين من الصين وواخد البضاعة اجل
والبضاعة فى المينا لازم ياخد مخلصة من البنك انة دافع ثمن البضاعة ..... يقولهم انا واخدها اجل يقولو لازم تدفع ....طب ماشى هادفع
ما ينفعش تخرج اكتر من 10 الاف دولار فى الشهر ... طب استنى كام سنة يعى عشان البضاعة يكمل حقها ....اة هو كدة
طب خلاص مش عاوز البضاعة
ماشى اليوم بالشىء الفلانى
طب اعدمو البضاعة
ماشى هانشكل لجنة لفحص وطريقة لاعدام البضاعة وعلى حسابك واللجنة بحوالى 20 الف غير فلوس الاعدام نفسها
خلاص مش عاوز اى حاجة فى الدنيا
يبقى نرجعها الصين ومصاريف النقل على حسابك
هى دى بلدنا ...........

رد: ترخيص خدمة سريعة
 

رد: ترخيص خدمة سريعة
 

شكرا لسرعة الرد لكن مافيش أي حل غير ان الواحد يشتغل من غير ترخيص؟
و أفهم من ردك ان سبب الرفض هو التلوث بسبب الزيت المستعمل ولا ايه؟ اا كان كدة طيب ماهو بيتجمع في برميل وبتيجي شركات البترول نفسها تشتريه تاني
كمان ماهو لازم الناس تلاقي أماكن خدمة سريعة قريبة منها مش في منطقة صناعية ومحطات البنزين مش كفاية وغالبا بتفرض نوع الزيت بتاع الشركة التابعة للمحطة على الزبون
المشكلة انه ماتنفعش خدمة سريعة من غير غيار زيوت لأنها أساس الصيانة الوقائية الدورية
ياريت حد يساعدني بأي حل وايه توابع الشغل من غير ترخيص
:thnkr:
وشكرا

رد: ترخيص خدمة سريعة
 

ربنا يكرمك وتلاقى حل