مصر موتورز مجتمع السيارات - تجربة قيادة: دايو ليجانزا

مصر موتورز مجتمع السيارات (https://www.masrmotors.com/vb/index.php)

- دايو العام (https://www.masrmotors.com/vb/forumdisplay.php?f=164)

- - تجربة قيادة: دايو ليجانزا (https://www.masrmotors.com/vb/showthread.php?t=16691)

انا سقت و جربت عربيات كتير, بس ححكى هنا عن عربيه مظلومه من وجهة نظرى مع انها ممتازه جداً و هى دايو ليجانزا
العربيه موديل 2001 CDX فول اوبشن اوتوماتيك 2000سى سى عربيه بجد تحفه, تسارع معقول جداً من 0 الى 100كم/س فى 10 ثوانى العربيه ثابته جداً على السرعات العاليه لحد 180-190 كم متحسش بإن العربيه ماشيه, اقصى سرعه انا جبتها بيها كانت حوالى 215 كم (مش مره واحده, كنت بسافر بيها كتير على السرعات دى) و كان ممكن تجيب اكتر من كده و العربيه اندفاعها (التسارع) حلو جداً لحد 170كم/س بعد كده معقول لحد ال 200كم و بطئ بعد ال 200 كم/س, عزل العربيه ممتاز و استهلاكها للبنزين معقول 180كم/صفيحه داخل البلد مع التكييف و 260كم/صفيحه على طرق السفر بسرعه 100-110 كم/س مع التكييف و التكييف ليس له اى تأثير على استهلاك البنزين او سحب السياره (يمكن فرق بسيط جداً لا يكاد يذكر)
العربيه واسعه و مريحه و اداء ممتاز بصراحه و عضمها ناشف جداً و فرامل ممتازه ديسكات امامى و خلفى و فيها abs
للأسف انا بعت العربيه من كام شهر كده ptmnlo123per144 و ربنا يبارك للى اشتراها

رد: تجربة قيادة: دايو ليجانزا

معلش ياباشا ان شاء الله تجيب احسن منها و فعلن العربيه ماشاء الله كويسه اوى وواسعه اوى الكنبه الخلفيه و ادائها عالى

رد: تجربة قيادة: دايو ليجانزا

معلش ياباشا الخير فى اللى اختاره ربنا وانا معاك العربية تحفة بكل المقاييس تفتكر اول ماننزلت كانت بتنافس الاوبل فكترا والاوكتافيا الايه 4

رد: تجربة قيادة: دايو ليجانزا

ابوه ياباشا عشان الموتور بتعها cdx نفس التكنولوجيا الى فى الفيكترا بس مش نفس الموتور

رد: تجربة قيادة: دايو ليجانزا

و الى خلاها تتنسى ان دايو فلست و اتباعت لوله كده كان ومنها فى المنافسه لسه