مصر موتورز مجتمع السيارات - رجاء لكل ملاك نيسان صني الدخول

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - رجاء لكل ملاك نيسان صني الدخول (https://www.masrmotors.com/vb/showthread.php?t=45933)

رجاء لكل ملاك نيسان صني الدخول

انا عندي استفسار مهم, و ارجو اللي يبدي رأيه يبقى عن تجربه فعليه او انه يكون مالك للسيارة!
في زميل في المنتدى كان رأيه عن السيارة كالتالي

اقتباس:

اخى الكريم حياك الله
والله ياباشمهندس ان ما تعرفش انا باحترمك جدا وباقدر خبرتك فى مجال هندسة السيارات هذا اولا
بامانة ما قلته نظريا على الورق فعلا المنطق يقول انه اليد العليا للنيسان الصنى
لكن صدقنى ياباشمهندس ال byd احلى منها بكتير جدا وكلامى ده موش هتاخده على محمل الجد الا لما تجربها بنفسك
الصنى سيارة فاشلة فاشلة فاشلة
استهلاك 170 داخل البلد 220 خارج البلد
توزيع ادوات القيادة وابعادها وجلسة الكراسى غير مريحة بالمرة
سحب واتزان سئ
قطع غيار غالية
الله يكون فى عون اصحابها
تقبل تحياتى

هل الكلام ده صح واللا غلط؟
ارجو الرد للاهميه
شكرا

رد: رجاء لكل ملاك نيسان صني الدخول

و الكلام ان العربيه بتعوم على سرعة 130كم/س

اقتباس:

ومعاناتى من سحبها السئ وصعودها الطرق المرتفعة بصعوبة شديدة تجعلك اضحوكة لمن حولك من قائدى السيارات الاخرى وعدم ثبات السيارة بعد سرعة 130

رد: رجاء لكل ملاك نيسان صني الدخول

السلام عليكم اخوك محمد مالك صنى 2011 من1 / 1/ 2011 مانيوال اقل فئة
1-السيارة مريحة بالقعدة واكيد اذا كانت غير كدة كنت شعرت بسرعة بسبب عملية الانزلاق الغضروفى اللى اجريتها.
2-ادوات التابلوة من مفاتيح وازرار وحتى الاماكن المخصصة لوضع اى اوراق او بعض الادوات الخاصة متاحة وسهل الوصول لها وترتيب التابلوة جيد جدا.
3-الكنبة الخلفية جميلة وواسعة ومناسبة لثلاثة افراد يميلوا الى الطول وليسوا متوسطى الطول
4-ناعمة متزنة ثابتة ودة طبيعى لوزنها الالتقيل تقريبا واحد طن
5-صحيح معدل استهلاك البنزين عالى ودة بشهادة الاعضاء انا ما اقدر احكم على دة لانى لسة بفترة التليين
6-وسع الشنطة روعة ومناسب جدا جدا جدا.
7-اكيد قطع الغيار الاصلية بالتوكيل غالية او متوسطة السعر ودة طبيعى وموجود لكل انواع السيارات الزيرو
8-تكييف قوى خلاصة القول سيارة مكونات يابانى تجميع مصرى سعر85000 لاقل فئة مانيوال مناسب جدا لاى ميزانية فوق المتوسط واوبشن محترم ويفى بكل الاغراض
9-عامل مهم لا نغفلة وهو عوامل الامان ايرباج للسائق وقضبان فولاذ لكل الابواب
اتمنى اكون وصلت لحضرتك نبذة عن النيسان صنى ولك الحكم وان تستشير كما تحب

رد: رجاء لكل ملاك نيسان صني الدخول

شكرا يا اخ محمد , في اي مالك اخر للصني يفيدنا برأيه بحيادية و موضوعية ايضا زي اخونا العزيز محمد؟

رد: رجاء لكل ملاك نيسان صني الدخول

نيسان صني مو 2010 إي إكس أوتوماتيك فول أوبشن أي بي إس.

العربية تقيلة على الأرض بسبب الوزن, في الملفات راسية لأني عفشتها كإنها معمولة لمصر.
130 إزاي إذا كانت رايح جاي على طريق مصر إسكندرية أربع مرات في نفس الإسبوع وكانت لسة تحت الـ 1000 كم ومعاك سرعة زي ماتحب وغرز كمان (أنالغاية 180 وماكملتش بس كان الآر بي إم لسة على 5000 ياعني لسة فيها).
سحب وحش إزاي جرب الأوفر درايف بتاعها بيجنن العربية جرب وشوف.
فتيس يستجيب وأعطاله منعدمة, وآه بيعض على فكرة وإنتا بتنقل من P لـ أي حاجة تانية لو ماكنتش شادد الهاند بريك الأول وبالأخص لو راكن على مطلع أو منزل.
تكييف تلاجة وأنا من النوع إلي لا يمكن يركب عربية تكييفها متوسط حتى.
إرتفاع عن الأرض مثالي لا عمرها هتحك منك ولا في نفس الوقت مرفوع لفوق شبه الشاهين.
إستهلاك فوق المتوسط بس مش عالي خد بالك إنتا بتتكلم في عربية 118 حصان وزنها 1 طن فتيس أوتوماتك (بس ماحسبتش إستهلاك البنزين كام بالظبط بس فعلا أكتر من المتوسط).
لو ربنا وسع عليك وجيبت السوبر صالون هتعرف ياعني غيه معنى عربية فارهة بـ 100,000 بس.
المساحة المخصصة للأرجل في الكنبة الخلفية مش مريحة للراكب الخلفي إذا كان طويل.
الماتور مع إنه حصانه كبير العربية تقيلة في الوزن فا بتديلك طلعة مش رياضية (لو إنتا معاك مانيوال مش هتحس بدا إطلاقا, ولو إنتا قلبك جامد شغل الأوتوماتك مانيوال وإطلع على واحد وبعدين إتنين وهاكذا بس إنتا المسؤول)
بالنسبة لموضوع العزل الي لقيت ناس بتتكلم عليه كتير بقى أنا ماسمعتش صوت جوا العربية غير وأنا فوق ال 160. ياعني أساسا الأدرنالين كان مبهدلني ويمكن تكون تهيآت شد عصبي بس, الماتور صوته عالي بعد ال 100 او 120 وقبل كدة طبيعي جدا لدرجة إني ماكنتش بميز من الصوت العربية دايرة ولا واقفة.
أنا لو قعدت أتكلم من هنا لبكرة مش هخلص هجيبلك من الآخر لو لقيت عربية في السوق بمواصفاتها وسعرها مش هقولك أقل إشتريها فورا وماتترددش.
الصني هيا الصفقة الرابحة في السوق المصري.