يا أهل الخبرة والتجربة النيسان ولا اللانسر
 

يا جماعة انا عايز اشترى عربية تضم الموافات التالية :
- عربية عائلية الاستعمال
-قطع غيار رخيصة
-مش مهم السرعة (سواقتى هادية اصلا)
-عفشة جيدة (عشان الطرق فى مصر أكثر من رائعة )
بمعنى اصح انا عايز عربية تعيش معايا و متفتحش بقها لأن انا مش هغيرها دلوقتى دى هتبقى عربية العمر .
فى البداية انا فكرت فى اللانسر 1300 مانيول عشان قالولى الاوتوماتيك سحبها وحش جدا المهم بعد كده حد قالى ليه تشترى لانسر لما ممكن تشترى نيسان صنى الااى اكس صالون (أوتوماتيك و 1600 ) .
السؤال دلوقتى هل المقارنه هنا صح و لا ارفع المقارنه و اخليها بين النيسان و اللانسر 1600
فى رأيكم يا اهل الخبرة والتجربة انهى انسب لإمكانياتى ؟
و شكرا لمشاركتكم .

رد: يا أهل الخبرة والتجربة النيسان ولا اللانسر
 

خليك في عربية اوتو هتريحك اكتر ميزة الانسر عن الصني سعر اعادة البيع و البنزين
ميزة الصني وسع الصالون و قوة الماتور

رد: يا أهل الخبرة والتجربة النيسان ولا اللانسر
 

والله انا مع فكرة الانسر 1600 سى سى افضل من 1300 سى سى اللى مش وحشة بس الافضلية للمحرك الاكبر وخصوصا فى التحميل الكتير والسفر مع التكييف وكمان الانسر يابانى تقفيل يابانى الصنى يابانى تقفيل مصرى

انتشار الانسر ومبيعاتها اكبر بكثير من الصنى فبالتالى قطع غيارها منتشرة جدا جدا فسعرها حيقل بالتبعيه والصيانة حتبقى اسهل وفى اى مكان وبالتالى سعر اعادة بيعها فى اى يوم من الايام حيبقى مقبول الانسر صفقة رابحة

رد: افيدونا يا أهل الخبرة ( النيسان و لا اللانسر)
 

قطع غيار اللانسر ارخص من النيسان
النيسان استهلاك بنزين اعلي طبعا مكنة 1600اللانسر1300
ال2 عفشتهم ممتازة
يبقي المقارنة اللانسر تكسب عشان البنزين اوفروقطع الغيار رخيصة وكمان اعادة البيع افضل بكتيييييير من نيسان

رد: افيدونا يا أهل الخبرة ( النيسان و لا اللانسر)
 

اولا/ انا بشترى قطع غيار نيسان اليابانى والاقى مكتوب عليها لانسر من بره وفهمت ان 70 % تقريبا من قطع الغيار مشترك بين ال2
ثانيا / اللانسر بصفة عامة اضيق او اقصر من النيسان مع فارق السعر
يعنى ال 1300 تمنها على م اعتقد 95 او 93 بينما النيسان دلوقت حوالى 84 او 85
طبعا دى اسعار الزيرو
ثالثا / حكاية البنزين دى خدعة لان استهلاك النيسان رغم الموتور القوى 125 كيلو لكل 10 لتر
وده استهلاك اعتقد انه كويس
رابعا / يمكن موضوع اعادة البيع ده فعلا ربما يكون لصالح اللانسر وانا شخصيا مبفكرش فيه
هو انا لسه ركبت العربية لما هفكر فى بيعها ؟؟؟؟؟
منطق عجيب عند المصريين انه يفكر فى بيع العربية قبل م يركبها
وبعدين تسمع واحد يقول العربية قعدت معايا 10 سنين واللى بيقول 15 وهكذا واعتقد اننا كلنا هنا او معظمنا من فئة اللى بيحوشو علشان يركبو يعنى مفيش حد فينا بيغير عربية كل سنة علشان يفكر فى اعادة البيع