لسه جديد في عالم الدايو فا ارجو الافادة
 

السلام عليكم ورحمة الله وبركاتة
دلوقتي انا ربنا كرمني واشتريت دايو لانوس 2005
فكرت ابعد عن العربيات الي ركبتها زي البي ام دبليو الشارق والجولف2
وقررت اركب دايو المهم حاسس احاسيس غريبة قولت يمكن علشان الجولف الي كنت لسه نزل منها كانت 1800 فا اكيد في فرق شاسع في السحب
يعني بحس ان العربية مخنوقة اوووي لغاية ماتوصل معايه مثلآ لل80 ويسلام لو فتحت التكيف احس ان في صعوبة اني اوصل لل100
وكمان وانتا علي طريق سريع ودايس بنزين وتيجي تهدي تلقي العربية تحس انها مزودة بنزين لمدة اقل من ثانية او ثانيتين هل دة طبيعي ؟؟
تاني حاجة
عندي صدي في الرداتير وعملت له تنظيف من عندي انا بي خرطوم مياة سعات القي المياة نظيفة وسعات القيها مصدية وبتقل بي نسب بسيطة لكن لو واخد مشوار وسفر يوم بتلقي المياة نزلت لي نصف الأربة بس انا واثق انها مش جوان وش سلندر عايز اعرف بقا افتش فين بي الظبط انا قولت اروح اعملة دورة تنظيف بي مياة نار في اي بنزيمة واحط مياة خضرة هل ممكن يكون عايز دورة تنظيف كويسة ولا ايه الحكاية

رد: لسه جديد في عالم الدايو فا ارجو الافادة
 

مبروك عليك العربية هى بجد عربية جميلة وهتتعود عليها ان شاء الله عامة الللانوس مش بتبان غير على السرعات العالية يعنى تجميعها بطىء نوعا ما لكنها برده بتجرى بمعنى انك لو بدات معاها براحة وزودلها من غير ما تقرص عليها هتجيب معاك على عكس الفيرنا تجميعها سريع بس مع ذلك لانوس بتتفوق عليها على الغيارات العالية
موضوع الريداتير والمياه انصحك انك تقرا المواضيع اللى فى الصفحة الاولى فى نفس القسم وانت هتعرف المشكلة وعلاجها
مبروك عليك مرة تانية ومتنساش تعملها طقم سرفيس واهم حاجة سير الكاتينة
ROSE4UROSE4U

رد: لسه جديد في عالم الدايو فا ارجو الافادة
 

حبيبى اللانوس من العربيات الجميلة وزات الروح الخفيفة بالنسبة لمية اوعى تحط مية خضرا ممكن مية مقطرة
ثانيا بص كويس بعد ما تركن العربية شوف هتنقط ولا لاة وممكن تبقى زى العيب من الطبب وربنا يكرم

رد: لسه جديد في عالم الدايو فا ارجو الافادة
 

فعلآ انا لما جربتها حبتها جدآآآآ
وبجد عربيه محترمة
وانا فعلآ عملت طقم السرفيس بس حسيت بي مشكلة فيها ويمكن علشان الترصيص ان العربية خفيفة جدآ معاية علي 140 وقولت هبقا اجبلها جنوط 14 ايه رائيك
وربنا يكرمك يارب ويرزقق بي x6

رد: لسه جديد في عالم الدايو فا ارجو الافادة
 

انا فعلآ حبتها وبيزيد حبي ليه لما بروح اي مشوار من غير ما تكسفني علي الطريق زي العربيات القديمة المقرفة
انا لحظت عندي ان العربية لما تسخن بتنقط نقطة وحدة او بتفضل بقا تنقط علي طول بس خفيف من عند الكوع الي داخل للماتور بس اعتقد انها نقطة واحدة وباين شايف نحيتها زي ماتكون مملحة انا هروح ان شاء الله لحد بتاع رداتير يسلكة واغير بي المرة الكوع وخلاص