محتاج المساعدة ضروري بخصوص كيا ريو 2011
 

السلام عليكم رواد ومشرفى المنتدى الكرام

الحمد لله بعد بحث طويل وسؤال الكثير والكثير ربنا وفقني واشتريت الكيا ريو 2011 اوتوماتيك.

الانطباع الاول عن العربية انها عربية بسم الله ماشاء الله جميلة جدا

بس في حاجة مزعلاني شوية .. العربية لا يوجد بها انذار او ريموت

انا كنت عايز اركبلها انذار وسألت في التوكيل فقلولي انهم بيركبو عندهم ونوعه كوبرا

بس انا سمعت انو مش قد كدة وكنت عايز اركب واحد تاني سمعت انو كويس وهو سباي تو واي وخصوصا اني لما هركن العربية مش هشوفها وكمان المسافة بيني وبينها هتبقى كبيرة واكيد مش هسمع صوت الانذار.

الان انا عايز ارائكم بخصوص السباي تو واي

وشكرا لكم جميعا مقدما

رد: محتاج المساعدة ضروري بخصوص كيا ريو 2011
 

ايه يا جماعة .. 13 مشاهدة ومفيش ولا رد واحد حتى

ارجو من وحوش الكيا الرد

وشكرا

رد: محتاج المساعدة ضروري بخصوص كيا ريو 2011
 

انا بكل اسف ماجربتش النوع اللى حضرتك بتسال عنه بس فى مشكلة حضرتك لازم تركب الانذار فى التوكيل بشكل مبدئى عشان ضمان الكهرباء بتاع العربية

وهل ينفع ان انت تجيب نوع انذار معين وتركبه فى التوكيل ومش النوع بتاعهم ؟

رد: محتاج المساعدة ضروري بخصوص كيا ريو 2011
 

شكرا لردك استاذ بدر

بالنسبة لموضوع ضمان الضفيرة انا سألت في التوكيل وقالولي انو الضفيرة هنخرج برة الضمان

بس انا شايف انو في الظروف الي البلد فيها اليومين دول وانتشار حوادث سرقة السيارات انو اضحي بضمان الضفيرة احسن ما اضحي بالعربية كلها

الي انا عايز اعرفه دلوقتي هي خاصية الفيبرشن الي في السباي تو واي دي شغالة فعلا ولا لأ ولو شغالة كويسة ولا لأ

كمان ايه مميزات الكوبرا وعيوبه

وشكرا