حد يفيدني في الماروتي ارجوكم
 

يا جماعة انا لسه شارية عربية ماروتي موديل 94 من كام يوم وحالة العربية تقريبا كويسة بس المشكلة اني لسه مبتدئة اصلا في السواقة وجايبة دي عشان اتعلم فيها بس مش فاهمة في العربية لسه اي حاجة ياريت حد يفهمني يا جماعة لو سمحتوا في تابلو العربية لاني لسه مش فهماه وكمان الفتيس في مشكلة جامدة جدا اني مش عارفة اتعامل معاه ولما اجيب غيار بيكون زي وضع المور اني احركه يمين شمال يتحرك معايا وانا كنت في العربية اللي بتعلم عليها بعرف المور من اني لاحرك الفتيس يمين وشمال طب لو عايزة اغير الفتيس كله عشان يريحني او حتي اصلحه ايه اللي ممكن والاسعار ايه لو سمحتم وشكرا ليكم

رد: حد يفيدني في الماروتي ارجوكم
 

من فضلك وضحى العيب اكثر
اما التابلوة من الممكن احد مالكى الماروتى يرفع صورة له للتوضيح من الاعضاء الكرام

رد: حد يفيدني في الماروتي ارجوكم
 

انا بشكر حضرتك اولا علي الرد

ثانيا العيب ان الفتيس تقيل اولا ولما اكون عالاول او عالتاني مفروض الفتيس يكون ثابت لكن المشكلة اني لو حركته يمين وشمال بيتحرك معايا (طبعا مش بقصد حركة الغيار نفسه ) يعني المشكلة ان الفتيس علي اي وضع سواء المور او الاول او اي وضع سااااااايب جداااااا مش ثابت لو حركته كدة حركة بسيطة يمين او شمال بيتحرك مش ثابت لكن الطبيعي يكون ثابت مش عارفة كدة وضحت المشكلة ولا لا وكمان وصعب جدااااا عليا اني اجيب مارشدير لانه تقيل جداااااااااا فيه ودة طبعا هيضرني يعني بمجرد النظر للفتيس مش مش بيكون واضح اوي هو علي اي وضع معرفش بقي المشكلة فيا ولا فيه لانه مفروض يكون باين جدا
بالنسبة للتابلوه اتمني حد يفيدني فيه والف شكر لحضرتك

رد: حد يفيدني في الماروتي ارجوكم
 

بصى حضرتك لازم تكونى عارفه انتى ماشيه على اى غيار من غير النظر الى الفتيس .. لسبب بسيط جدا هو ان حضرتك اللى جايبه الغيار ده مش حد تانى ههههههه

انا عارف ان حضرتك لسه بتتعلمى واحيانا بتتلخبطى فى الغيارات وكده .. وده وضع طبيعى فى الاول ...

ممكن الفتيس عند حضرتك يكون محتاج تربيط عالبارات بتاعته بس .. اى ميكانيكى كويس يظبطهولك بسهوله جدا ... بس ممكن تكون طبيعته اصلا كده والعيب من حضرتك ....

بالنسبه لتابلوه الماروتى فأعتقد مفيش فيه اى حاجة تحير خالص ..

عموما حضرتك صورينا التابلوه صور واضحه واحنا نقولك كل تفاصيله بالظبط ......


ومبروك يا فندم العربية ربنا يعطيكى خيرها ويكفيكى عن شرها وشر الطريق ........

رد: حد يفيدني في الماروتي ارجوكم
 

العصاية فيها بوش

وفعلا اى ميكانيكى شاطر

يخليه مايتحركش يمين وشمال