نصيحة من خبراء اللادا 2015
 

دى أول مشاركة ليا فى المنتدى الجامد داا
وعاوز نصيحة من الخبرااا فى الادا 2015
دلوقتى انا محتار مكنة العربية محتاجة عمرة
ناس بتنصحنى بشرا موتور استيراد لأن اداء الموتور هيكون احسن من العمرة
وناس بتقولى ان العمرة أضمن ..
أفيدونى خصوصا ان فرق الفلوس بين الاتنين مش كبير..

ومشكوريين

رد: نصيحة من خبراء اللادا 2015
 

في الغالب العمرة مبتكونش كويسة وفلوسك بتترمي في الارض
اشتري موتور مقفول احسن متلعبش فية وباذن الله هيكون كويس

رد: نصيحة من خبراء اللادا 2015
 

لااااااااااا خلى بالك من حاجتين
1- العمرة:
المكنه بطيخه مقفوله و محدش بيعرف إلى فيها غير لما تتفتح, و بعد متفتحها أنت و نصيبك فى المصاريف, أضف لذلك إن معظم قطع الغيار اللى فى السوق مضروبه, يعنى شنبر و لا دلايل و لا .... مفيش حاجه محترمه إلا نادر النادر.
بإختصار العمرة الناجحة محتاجه: صنايعى شاطر و متخصص و بيفهم + قطع غيار أصليه و جودتها عاليه مش مغشوشة + تليين كويس جداً

طيب بالنسبة للمكنه الإستيراد:
اللادا الـ 2105 و الـ 2107 كمان مش موجودين حالياً غير فى دول فقيرة زى روسيا و أوكرانيا و غيرهم, قصدى أن الدول هيا إللى بنستورد منها حالياً و طبعاً بتيجى المكنه من عندهم طالع غين اللى خلفوها, هيا هيا يا ريس.

وجههة نظرى (أيام ما كان عندى نظر قبل موجة قطع الكهربا اللى حولتنا دى)
يا مكنه استيراد و تآخد عليها ضمان و تخلى ميكاينكى محترم يشوفها لك و يتأكد من حالتها.
يا إما عمرة بس متسترخصش أنت مش هتفتح كل يوم, و تسأل فى التوكيلات عن قطع الغيار (حمدى لادا - المركز الروسى - .... ) و ربنا يعينك.

رد: نصيحة من خبراء اللادا 2015
 

هل فى طريقه تخلي المرور يسمح له بتركيب موتور بديل غير موتور ال لادا
؟؟
هيبقي حكايه بدل كتله الحديد اللى بتسخن