علشان محدش يستغلك من الصنايعية او يضحك عليك :
 

علشان محدش يستغلك من الصنايعية او يضحك عليك :

1 - هزة فى العربية قبل سرعة 100 كم/س ترصيص أمامى .

2 - هزة فى العربية بعد سرعة 100 : 120 كم/س ترصيص خلفى .

3 - هزة مع دوسة الفرامل طنابير .

4 - دواسة الفرامل محجرة سيرفو .

5 - تخبيط وترزيع مع الارض المكسرة جلب مقصات او بيض .

6 - عومان للعربية جلب مقصات او مساعدين خفيفة .

7 - رجة مع الطلعة " مانيوال فقط " طقم دبرياج ( ديسك - اسطوانة - ... ) .

8 - خبطة مع الغيار " اوتو فقط " او تزنيدة قواعد مكنة .

9 - رعشة على السلانسية و تحس المراية بتتهز قواعد مكنة .

10 - الطارة مبتردش لوضعها الطبيعى بعد الملفات صليبة .

11 - طرقعة مع لف الطارة و العربية واقفة اسكترا .

12 - طرقعة او طقطقة مع الملفات كبالن .

13 - طرقعة فى الغيارات مع هزة كبالن داخلية .

14 - تزييق مع لف الطارة وتقل فيها بطاحات .

15 - استهلاك بنزين عالى " حساس شكمان - موبينة - سلوك بوجيهات - بوجيهات - رشاشات " .

16 - سخونية فى العجل تيل فرامل قافش .

17 - صوت عالى من بطن العربية او من الخلف مع سحب ضعيف شكمان .

18 - صوت عالى من حوض العربية من الاسفل مع سحب ضعيف كسر فى زور الشكمان او تنفيس .

19 - صوت كأن زلطة فى علبة صاج ... فحم علبة البيئة .

رد: علشان محدش يستغلك من الصنايعية او يضحك عليك :
 

معلومات مفيدة اوى تسلم ايدك

رد: علشان محدش يستغلك من الصنايعية او يضحك عليك :
 

السلام عليكم
انا حديث عهد بالعربيات ومعايا عربية لانسر بومة 2006 العربية كان مؤشر الحرارة بيعدى النص وروحت للكهربائى حط العربية على الكومبيوتر ولقى ان درجة الحرارة تقريبا 95 وقالى ان المؤشر مش مظبوط والحرارة دى طبيعية يا ترى كلامه مظبوط ولا الحرارة كده زيادة ... حاجة تانية البطارية لو سبتها يومين بتنام خالص يا ترى كده انا محتاج اشترى بطارية جديدة ولا ده عادى