برجاء المساعدة للأهمية ، العربية دي تساوي كام ؟
 

إلي عباقرة الهيونداي ، قدامى عربية نيو أكسنت موديل 2006 ، العربية حالتها ممتازة والعداد عامل 65000 الف كم ، راشة حزام خارجي ............العربية دي تساوى كام ؟ مع العلم ان صاحبها طالب 60000 جنيه ، وهو جار واحد زميلي ومش تاجر وكان شريها من سنة من مهندس وكان أول يد..............مستني رايكم وما تبخلوش عليا بالنصيحة وجزاكم الله خيراً

رد: برجاء المساعدة للأهمية ، العربية دي تساوي كام ؟
 

انا شايف انه سعر معقول بس هى نيو اكسنت 1400 ولا 1600 ؟؟؟

رد: برجاء المساعدة للأهمية ، العربية دي تساوي كام ؟
 

العربية 1600 CC

رد: برجاء المساعدة للأهمية ، العربية دي تساوي كام ؟
 

خايف اقول رأيي تزعل :070104~242:

انا معايا نيو اكسنت 2008 والحمد لله العربية دي فوق فوق فوق الممتازة بطير بيها ومع بنزين 92 الله عليها ولو محافظ عليها بجد هتحبها اكتر من مراتك
انا اشتريتها من حوالى شهر ونص بس انا معاصرها من اول يوم خرجت من المعرض لانها كانت اول يد ملك اخويا الكبير وانا اشتريتها منه بحوالى 65 الف وهي مانول 1600 فبريقة بره وجوا بس فيها شوية خدوش من بره

المهم يا سيدى المشكلة عندي فى موديل 2006 هي الدريكسيون بتاعها نظام كهربا ودة سمعت عنه قصص كتير انه خطر وانه بيفصل على 120 وحوارات لكن من بعد 2006 كلو بقة على زيت فا انا طبعا راجل مش خبير زى العمالقه الى هنا ابو نورا والشيخ طارق وغيرهم وغيرهم فا هما هيفيدوك اكتر مني بس قولى هي مانوال ولا اوتو ؟