|
فضيحة اللوح المعدنية الجديدة
بسم الله الرحمن الرحيم الخبر ده من كونتاكت كارز اقتباس:
المشكلة طبعا مش في الخبر المشكلة ان من كام يوم لقيت عربية راكنة في الشارع وعليها ال 3 حروف دول ه ف أ ( هاء_فاء_همزة) وطبعا استغربت جدا ان لوحة زي دي تخرج من المرور لأنها بتحمل اهانة ممكن لصاحب العربية بالرغم من ان قيادات المرور أكدوا ان حتكون في مراعاة للجزئية دي ان الحروف ماتكنش بترمز لأي معنى سئ لكن أنا بأكد لكم اني شفت اللوحة دي وبقدر ما اتضايقت علشان خاطر صاحبها لكن في الآخر قلت هو أكيد يستحق اللوحة دي لأنه من الأصل وافق انه ياخدها دلوقت بعد ما بقت اللوحة متاحة للجميع ممكن تروح تغير النمر بتاعتك ولا تخاف أحسن تلاقي مكتوب عليها ( * * * ) ؟!!!!!!!!!!!! ولو لقيت حاجة ما عجبتكش أزاي تقدر تتصرف؟ |
رد: فضيحة اللوح المعدنية الجديدة
معاك حق انا شفت النمره دي
بالعربيه هفأ و بالانجليزي افه ههههههههههه يعني اللي يستلمها بيتهزق عربي و انجليزي و انت عارف شعبنا ما بيصدق |
رد: فضيحة اللوح المعدنية الجديدة
افترض حسن النية وعلى فكرة النمر دى اها مميذات انها ممكن تبان فى الاضاءة الخافتة
|
رد: فضيحة اللوح المعدنية الجديدة
مش لاقي حاجة أقولها
تصميم سئ كلمة مصر تشغل 20% من مساحة اللوحة و كأن السيارة ستسير في الامم المتحدة المحافظات بقت سر (تخلف و عقم في التفكير) و كمان قلة أدب ربنا يولع فيهم كلهم، مشروع زي ده بكل التكاليف دي و بكل الغباء ده مع ان السوابق كتييييير في دول العالم يعني اللي عمل المشروع ده بالنتيجة دي لا بيعرف يفكر و لا بيعرف يقلد حتي حسبي الله و نعم الوكيل |
رد: فضيحة اللوح المعدنية الجديدة
اقتباس:
أنا عمري ما شفت النمر دي على عربية الا ومبوظة شكلها..... والله.حاجة مستفزة واللون الأزرق ده هو أرخم لون ممكن الواحد يتصوره على عربيته لأ وكملوها بالحروف النمر بقت ولا السبورة بتاعة الابتداءي |
| الساعة الآن 05:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017