ممكن أعرف سعر الرينو لوجان فى المعرض كام ؟
 

انا يا جماعه عارف ان الرينو لوجان سعرها فى التوكيل 68 الف بس عايز اعرف سعر المعرض كام ؟ لان المعرض ميزته انك بتدفع وتستلم على طول مش لسه هتستنى وكده

وسؤال لمالكى الرينوا انا دلوقتى معايا جيب شيروكى واحتمال ابيعها وانسب عربيه اجيبها بالسعر اللى معايا لانى الصراحه مش عايز مستعمل عايز زيروا هيا الرينوا لوجان العربيه الناس بتشكر فيها وانتشرت جدا فى الشارع المصرى وانا متفائل بيها مع تحفظى على شكلها الخارجى بس هحاول اقتنع بيه
المهم السؤال بقى : انا طويل طولى 189 سم ومن الصدف ان اول عربيه امتلكها اسوقها كانت جيب شيروكى هل بقى الرينو لوجان هرتاح فيها ولا هحس انى متكتف مش واخد راحتى او العربيه وخصوصا كرسى السائق صغير عليا ؟

رد: ممكن أعرف سعر الرينو لوجان فى المعرض كام ؟
 

السعر يختلف من معرض لآخر وبعض المعارض تقبل الفصال وممكن نفس المعرض يغير السعر كل فترة صعودا وهبوطا حسب توافر السيارة فى المعارض الأخرى . لذلك للحصول على أقل سعر يجب السؤال فى عدة معارض. وربنا يوفقك لشراء ما ترغب بسعر مناسب

رد: ممكن أعرف سعر الرينو لوجان فى المعرض كام ؟
 

تمام شكرا لحضرتك
طيب استفسار صغير
هما لسه مخلوش الكلاكس فى الدركسيون وزراير الزجاج فى الباب ؟

رد: ممكن أعرف سعر الرينو لوجان فى المعرض كام ؟
 

ومعلش كنت عايز اعرف هيا بيبقى فيها جنوط لو متواضعه ولا مفيش خالص ؟ بتكلم على السعر 68 الف

رد: ممكن أعرف سعر الرينو لوجان فى المعرض كام ؟
 

الكلاكس والزراير كما هى : الكلاكس فى دراع الاشارة وزراير الزجاج فى التابلوه
الجنوط عادية وعليها طارة
ومبروك مقدما وابقى قل لنا عندما تشترى حتى يستفيد من ينوى الشراء