مصر موتورز مجتمع السيارات

لا صحراء ولا حاجه يا عم الحاج ببساطة ان معظم الناس هنا تبع الملاكى وقليل لما تلاقى حد معاه مهنية
معلش انا هحاول افتكر اللى حصل معايا وان شاء الله افيدك بقدر الامكان
اولا تروح المرور اللى حضرتك تبعة وتجيب دوسية واوراق التقديم لاستخراج رخصة مهنية (ويكون معاك صور شخصية)
ثانيا تقدم الدوسية عشان تاخد ميعاد للقومسيون الطبى " ده كشف عام كده ونظر" عشان الصلاحية للقيادة المهنية فى المرور هايقولوا لحضرتك ميعاد الكشف ومكانه
ثالثا لما تكشف تعرف امتى النتيجة وتروح تسأل عليها فى المرور وان شاء الله لما تلاقى نفسك اجتازت الكشف يقولولك على ميعاد ومكان الاختبار بتاع القيادة "العملى"
رابعا تختبر سواقة وان شاء الله تعدى وتعرف امتى النتيجة فى حالة النجاح تنتقل الى خامسا
خامسا: هايطلبوا منك شوية حاجات رخمة كده"دليل على ان حضرتك نجت وبتكمل الدوسية بتاعك" من ضمن طلباتهم " اشتراك نقابة السائقين-ختم التأمينات وبما ان حضرتك ع المعاش ومتأمن عليك يبقى الخطوة دى سهلة بتاخد ورقة من المرور وتختمها من التأمينات انك متأمن عليك"
سادسا سلم كل الورق ده فى المرور تانى وتعرف ميعاد الاختبار النظرى" الاشارات" تروح تختبر وتتصور وتستلم الرخصة فى نفس اليوم ان شاء الله
تقريبا تكلفة لمشوار ده حوالى 500 او 600 جنية بدون رشاوى واكراميات وكده
معلش انا قولت كل اللى فاكره على قد ما قدرت وان شاء الله فى الواقع الامور ماتختلفش كتير وبالتوفيق فى المشوار ده