مصر موتورز مجتمع السيارات - معروض عليا ال 127 دي ب 8000

مصر موتورز مجتمع السيارات (https://www.masrmotors.com/vb/index.php)

- 127 Fiat Ritmo (https://www.masrmotors.com/vb/forumdisplay.php?f=232)

- - معروض عليا ال 127 دي ب 8000 (https://www.masrmotors.com/vb/showthread.php?t=127500)

معروض عليا ال 127 دي ب 8000

السلام عليكم
المنتدي شكله هايبقي مزاري الاساسي بعد كده ان شاء الله لانكم محل ثقة
انا معروض عليا العربية دي

127 نصر
موديل 84
فابريكة دواخل
الموتور عاوز عمرة و ماتعملوش عمرة قبل كده
محتاجة 4 كاوتشات "هما اتنين بس انا هاريح دماغي"
رشة برا دوكو تقريبا لان شكلها نضيف
انا بصيت عليها من بره بس لسه هاخدها عند ميكانيكي يشوف ايه الكلام برده
مبدايا الكلام علي 8000 بس شكله ممكن ينزل شوية ل7000 مثلا
لسة ما بصيتش علي البطارية ولا الكهربا ولا الكلام ده لاني متوقع اني اغير طقم السيرفس كله
انا عامل حسابي علي 13000 يعني لو جبتها ب 7000 و شديتها ب 6 اظن تبقي تمام "ده مبدأيا"
الحاجة التانية بقي انا بافكر اغير الموتور بدل ما اعمل عمرة الناس بتقول ان العمرة مجهود و فلوس و صنايعي غير التاني انما الموتور ركب و اركب و تقريبا نفس السعر ولو اغلي حبتين
و رجعت لاقيت ناس بتقول ان تسقيط موتور بيكون مغامرة يا صابت يا خابت
الخبرا ينصحوا بايه
و لو هانسقط موتور ايه هيا المواتير المضمونة اللي مكن اسقطها و سعرها كام " الميزانية خدوا بالكم 13000:hd:"
و السؤال الاخير ...... اعمل كده ولا ادور علي حاجة موتورها كويس و اريح دماغي
شكرا مقدما

رد: معروض عليا ال 127 دي ب 8000

برضوا حضرتك غاوى شقا
مقولنالك قبل كده ريح دماغك من قرف الصنايعية و هات حاجه مشدوده جاهزة و خلص
عالعموم, لو أنت خلاص ناوى على دى
و متأكد إن مكنتها معمرتش قبل كده (رغم أنى متأكد أنها عالأقل عملت طقم شنبر كذا مرة دى موديل 84 يا ريس)
و برضه متأكد ان الدواخل فبريكا و الركب و الإعتاب و الكارتيرات... مفيهاش بارومه يبقى العربيه تستاهل.
توديها لصنايعى "أمين و عنده دين" يجيبلك من الآخر فيها و يقولك محتاجه أيه بالضبط و هيتكلف كام. و أعمل حسابك بزياده شوية, لأن أى فتحة صيانه بتفتح فى حاجات غير متوقعه.
نصيحتى لو عجباك, خلى صاحبها يعمر المكنه و يحط ثمن العمرة على ثمن العربية و تكون معاه خطوه بخطوه (علشان ميسترخصش و يعك الشغل)
و بعد كده تستلمها منه 10/10
العمرة لو ميكانيكى شاطر و نشيط هتأخد منه 3 أيام بالتليين.
و صلى استخارة قبل الشراء و ربنا يوفقك للخير

رد: معروض عليا ال 127 دي ب 8000

اقتباس:

المشاركة الأصلية كتبت بواسطة zing0 (المشاركة 963599)

والله يا زينج يا صديقي انا بس باخد رايكم علشان اعرف اناومش مستعجل والله لو عندك حاجة قدامك بالمبلغ ده ياريت تقولي انا نمرتي 01008722550 و هاخلص علي طول لو العربية مش محتاجة حاجة انا بس كل همي ان ماخدش حاجة و الاقي فيها مشاكل بعد كده انا كان فكرتي ان اشد العربية و وابقي عارف كل حاجة مشدودة امتي مش اكتر انما لو قدامي حاجة كويسة مش محتاجة شدة والله انا جاهز

رد: معروض عليا ال 127 دي ب 8000

لو العربية عاجبتك توكل على الله وخلص وشد العربية
وبعدين فك وش الموتور
لو اساسيات المكنة سليمة يبقى عمر عمرة كاملة
لو المكنة هتصرف كتيير يبقى اشترى مكنة بالفتيس افضل

رد: معروض عليا ال 127 دي ب 8000

اقتباس:

المشاركة الأصلية كتبت بواسطة miam0502788391 (المشاركة 963681)

الغ شكر يا باشا علي المعلومة يعني اخدها و افك وش الموتور و اعرف اذا كانت هاتتعمر ولا لا و بعدين اقرر
طيب انا عاوز اعرف الاختيارات و الاسعار اللي قدامي يا جماعة لو هاسقط موتور