|
عرض تقسيط مباشر بدون بنك 100 فى الــ 100
الاخوة الاعزاء
تزيد الاسئلة حول التقسيط المباشر ويزيد البحث عن التقسيط الشرعى واليكم هذا العرض وهو تقسيط مباشر 100 فى الــ 100 من شركة رينو مباشرة مفيش بنك ولا ممول ودى الامتيازات 1- البائع هو رينو مباشرة فروع المبيعات فقط (الموزعين لا) 2- بدون مصاريف ادارية 3- بدون طرف ثالث (مفيش بنك) الا البنك اللى هتدفع فيه القسط الشهرى (للدفع فقط وليس التمويل) 4- بدون تأمين على السيارة 5- بدون غرامات تأخير فيه حاجتين لسه مسألتش عليهم 1- هل يتم كتابة اجمالى المبلغ الشامل للسيارة عند انتهاء اخر قسط 2- هل يوجد حظر بيع او لا لو تاكدت انه يتم كتابة المبلغ الشامل ولا يوجد حظر بيع فى هذه الحالة سوف احضر صورة من العقد واعرضه على احد العلماء مع العلم ان الذى صمم النظام للشركة - طبقا لما قاله لى مسئول التقسيط- هو الدكتور على السالوس ياريت الكل يتابع الموضوع ده ويتأكد ويراجع بنود العقد انا لا ادعى ان هذا النظام شرعى، حتى لا احمل وزر احد ولكنى انقل ما توصلت اليه خلال فترة بحثى عن تقسيط شرعى ولسه كمان هروح اشوف صورة العقد واعرضها على احد العلماء ممن اثق فيهم ولا نزكى على الله احد ممكن حضراتكم تتصلوا باى فرع لرينو ركزوا فرع لرينو نفسها مش موزع لرينو انا عموما متابع مع فرع المهندسين لانه اقرب فرع ليا وده رقم مسئول التقسيط أ- جمال 01001133722 اللهم انى ابرأ اليك من عواقب هذا الموضوع والله اعلم |
رد: عرض تقسيط مباشر بدون بنك 100 فى الــ 100
انا كنت سالته على حظر البيع قالى اه فيه حظر بيع و مافيش تامين و التقسيط مباشر و الفايدة 9% و اقل مقدم 20% و الاستلام خلال شهرين و نصف و فيه عندهم نظام الدفع المبكر مع خصم الفايدة المحسوبة عليه و احتساب 3% على اجمالى الباقى
|
رد: عرض تقسيط مباشر بدون بنك 100 فى الــ 100
يا رب النظام يطلع بجد علشان انا زهئت من نظم التقسيط الكتير دى و كنت خلاص حشترى من كونتكت كار و حد و طلع قلى نظامهم 100% حرام اوعى
يا ريت حضرتك تتاكد من الموضوع دا علشان انا عايز اشترى الرينو لوجان و كمان العربية دى بتاخد وقت فى الحجز علشان ناقصة فى السوق و جزاك الله خيرا شكر وتقدير |
رد: عرض تقسيط مباشر بدون بنك 100 فى الــ 100
لو عايز تقسط مع توكيل رينو بنظام إسلامي الفائدة من 12% وحتى 12.4% طبقاً لعدد سنوات التقسيط (1 سنة=12.1 و 2 سنة= 12.2.....5 سنوات=12.4)
ثم فتح حساب مع البنك الأهلي المتحد ثم سوف توقع على شيكات مجزئة بقيمة القرض وهذه الشيكات إما شيك لكل قسط شهري أو شيك لكل فترة (مثلا كل 6 أشهر) وعند تسديد القسط تستلم الشيك من المعرض في حالة إن الشيك كل فترة أما الشيك الشهري فيقوم مندوب المعرض بصرف الشيك من البنك وطبعاً لو سيادتك إتأخرت عن السداد كام يوم ممكن يأخذ رفض من البنك على الشيك ويسجن سياتك. أما في حالة أنظمة التقسيط الأخرى من رينو فهي بفائدة من 9.1 وحتى 9.4% طبقاً لعدد سنوات التقسيط (1 سنة=9.1 و 2 سنة= 9.2.....5 سنوات=9.4) مع وجود تأمين على السيارة وأيضا بالتوقيع على الشيكات. |
رد: عرض تقسيط مباشر بدون بنك 100 فى الــ 100
يا جماعة انا اتصلت بفرع المهندسين
و قالى بالحرف اقل مقدمة 25% مش 20% يعنى 25% = 18125 فسالت على رينو لوجان مانويل فول اوبشن قالى ثمنها 72500 = نفس الثمن عند كونتكت كار الفائدة 9.5 % لخمسة لسنين ازيد من الفايدة فى كونتكت كار فى النظام الاقتصادى بفائدة 8.99 % مقالش حاجة على التأمين و لما قلتله احسب القسط الشهرى ليا و التأمين مع بعض قالى احسبها انت يا فندم الصراحة الجملة دى قفلتنى منه و قلتله شكرا و قفلت لو الكلام دا غلط يا ريت و كمان يا رب حد يغلطنى و يقولى حاجة احسن شكر وتقدير |
| الساعة الآن 03:01 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017