مصر موتورز مجتمع السيارات - الكرونه ... أنواعها , أسعارها, أماكن شراءها؟؟؟

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - الكرونه ... أنواعها , أسعارها, أماكن شراءها؟؟؟ (https://www.masrmotors.com/vb/showthread.php?t=114322)

الكرونه ... أنواعها , أسعارها, أماكن شراءها؟؟؟

السلام عليكم
رحت إمبارح عند الميكانيكى
كنت مغير عنده 2 صليبة كردان (أمامى و خلفى)
بس بعد التغيير لاقيت صوت خبط عند كل نقلة فتيس, خبط من ورا.
نزلت تحت العربية لاقيت عمود الكردان (مبوش) مع الكارون, يعنى فيه جزء بيلف عالفاضى. قولت للميكانيكى عليه.
الميكانيكى بيقولى ده كده الكارونه. طبعاً سمعت الكلمة دى جالى دوار بحر مفاجئ.
أنا أعرف أنها غاليه. و كله بيجيبها إستيراد لأن إصلاحها زى قلته.
و سمعت إن فى منها سريعه و بطيئه.
أنا عاوز أعرف أسعارها حاليا كام؟
و منين (داخل القاهرة)- علشان تبقى عالتجربة و سهل لو فى حاجه لاقدر الله أرجعها.
و هل السريعة أفضل من البطيئة و لا مثلاً دى بتركب للـ 4 غيار و دى للـ 5 غيار (يعنى لأنواع معينه)؟

معلش يا جماعة أسئلتى كثير بس بجد حالتى النفسية زفت.
و شكلى هأفكر أبيعها بعد المصاريف و الشغل و حرقة الأعصاب دى كلها.

العربية لادا 2105

رد: الكرونه ... أنواعها , أسعارها, أماكن شراءها؟؟؟

اقتباس:

المشاركة الأصلية كتبت بواسطة zing0 (المشاركة 889562)

يا صاحبى الحال من بعضه الكرونة بتبوش - تون - تنفخ الزيت - تتكسر وحلها الإصلاح او التغيير
بالنسبة للادا بتتباع إستييراد الجزء اللى بيركب عليه التروس كان ب 600 جنيه من غير الأكسات طبعا تفك وتركب بالجوان الجديد وأنساها بعد كدا وده أفضل حل لأن التصليح مش مضمون
وحاول تدور على العيب الأساسى اللى خلا الكارونة تبوش وده غالبا بيبقى من الفتيس يعنى متاهة يا حاج أخوك مكسر كرونتين بسبب الفتيس وحاليا العربية مرمية تحت البيت مستنية صاحب نصيبها لأن آلات الجر لما بتبوظ عمرها ما بترجع زى الأول
صلحها وبيعهااااا

ونتا داخل على عزبة شلبى من ناحية السواح (البحر ) هتلاقى ناس كتيرة بتبيعها إستيراد ولو عاوز تصلحها اسأل على سلامة بتاع الكوارين

رد: الكرونه ... أنواعها , أسعارها, أماكن شراءها؟؟؟

تمن الببة BEBA فقط استيراد 450 جنية وعلى التجربة وتجربتها 3 ايام مثلا
اماكن بيعها
عزبة شلبى اكتر ناس بتبعها
لو الكارونا اللى عندك مريحة الموتور شوف رقمها وهات زيها بالظبط
وانت بتشتريها تشوف السنون بتعتها بعينك لو مسننة يبقى متهالكة انما لو سن الترس عريض الى حد ما يبقى لسة فيها الخير

رد: الكرونه ... أنواعها , أسعارها, أماكن شراءها؟؟؟

اقتباس:

المشاركة الأصلية كتبت بواسطة mr_astra (المشاركة 889642)

الكرونة اللى عندى فيها ونة السنين وصوت تتريسة كأنك حديد بيرزع فى حديد مع العلم ان الزيت كان مظبوط ولما فكيت لقيت تروس التاج مسننة حاجة بسيطة جدا انما خلاص كل سنة ونتا طيب لازم تتغير
فكرت أجيب دفرانس بولونيز وأركبه لكن ناس نصحتنى أصلح اللى عندى أحسن
هو اه اللى يحصل لو حطيت كرونة البولونيز مع العلم ان سنون ترس التاج أكتر بكتير من ال131 اه اللى ممكن يحصل لآداء العربية ؟؟
واه رأى حضرتك ف اللى بيحصل دا ؟

رد: الكرونه ... أنواعها , أسعارها, أماكن شراءها؟؟؟

والله يا استاذ هشام حضرتك بتعرف اكتر منى فى الـ 131 وغير الـ 131 وانا مستغرب بصراحة لانك خبرة اكتر وعندك حلول لمشاكل كتيرة .....لكن من مبدا ان اللى واقع فى المشكلة مش بيعرف يفكر فيها زى اللى برة المشكلة فانا بؤلك
الحلول ممكن تكون بعيدة تمام عن العربية وممكن الحلول تكون نابعة من داخلك انت
حاول تملى تعمل الخير و والله العظيم هتلاقية فى حاجات كتير
حاول تخلص النية مع ربنا وتتقية وساعتها ربنا هيفتح عليك بركات من السماء
مش تملى الحلول الفنية هى السبيل لحل مشاكل وانما مدى اخلاصك وصفاء نفسك هى اكتر فاعلية من تروس وكارونا وزيت
عربيات الشغل عندى بتمشى بس عشان هى مال وقف انما لو احسن عربية عندنا فى الشغل مع واحد لحسابة بتعتة يعنى كانت بيعتة اللى وراة واللى ادامة
ميكروباص تويوتا عندنا عامود الكرنك بتاعة مقطوم اتنين وفضل يجيب الخط حوالى شهر
اخلص النية لله