مصر موتورز مجتمع السيارات - موديل 2013 مصرح بدخوله مصر إمتى ؟؟

من المعروف إن الجمرك لا يسمح إلا بدخول موديل السنة يعنى موديل 2012 ما يدخلش إلا فى 2012 .

وفى العادى - سيبك من الأستثناءات - لو موديل 2010 مثلآ ما يدخلش البلد السنة دى 2012 ( إلا مثلا لو أثبت صاحبها إنه المالك الأول لها فى سنة موديلها وياخد خصم المستعمل الخاص بها حسب القواعد الجمركية المعمول بها فى حينه ) .

وطبعآ عادة الموديلات بتسبق السنة الميلادية ( ودى كمان غير سنة الأنتاج ) يعنى موديل 2013 ممكن يكون بدأ إنتاجه أخر 2011 مثلآ أو أثناء 2012 ونازل ويتم تسويقه على إنه موديل 2013 ) .

بمعنى أخر مثلآ موديل 2013 - أعلنت عنه معظم الشركات حاليآ - المفروض يدخل إبتداء من أول يناير 2013 حسب قوانين الجمارك ( سمعت إن السنة الجمركية تبدأ أول أكتوبر من السنة اللى قبلها يعنى موديل 2013 مصرح ببدأ دخوله من أول أكتوبر 2012 ) .

والسؤال : إمتى بالضبط تبدأ السنة الجمركية لموديلات السيارات موديل 2013 )

بمعنى أخر هل تبدأ أكتوبر 2012 ولا تبدأ يناير 2013 ولا ممكن من دلوقتى فى سبتمبر طالما سنة الموديل معروفة ولو مثلآ الموديل معروف ومعلن عنه من مارس 2012 وحبيت أدخل السيارة فى مايو أو يونيه 2012 فهل يجوز ذلك بشكل قانونى .

أرجو من العارفين والعالمين بالجمارك يردوا علي وأكون شاكر جدآ لهم .