اول يوم ليا فى مكتب تعليم سواقة
 

صباح الخير يا شباب
انا انهاردة لسة جاى من اول يوم تعليم سواقة فى مكتب خيرى كار فى شارع شبرا
بس انا كنت بسوق الشاربية فى شوارع فاضية
كنت بدرب على 128 موديل 2009 عربية نضيفة و كان من 9 صباحا الى 10ونص و العربية مافيهاش مشاكل
غير ان الدبرياج لازم تدوس علية للاخر و هو تقيل و بيزيق
انشاء اللة هشترى byd فقولت اتعلم ازاى امشى و بعد كدة اكمل بالعربية الصبح بدرى قبل الزحمة لغاية ما اتعود على العربية الجديدة
بس فى حاجة
الاول ابتدى يعملنى انى ادوس دبرياج و اجيب الاول و بعد كدة ارفع رجلى سنة سنة لغاية ما العربية تبتدى تمشى و بعد كدة امشى بس المشكلة لو فى اشارة و اتعوت امشى كدة هسمع بلاوى لغاية ما امشى فين حركة الميزان هل لسة شوية ولا هتعود على كدة خلاص
تانى حاجة مش عارف اضبط العربية يعنى و انا ماشى على طول احسن ان العربية بترمى يمين و اظبطها على طول تانى تحدف منى تانى مرة يمين و مرة شمال
هل كل دة يروح بالممارسة ولا اية
هل ممكن حد ينصحنى على اى حاجة انا ناقصلى اربع حصص و اخر حصة هتبقى الساعة 7 ونص الصبح علشان بعدها نطلع على المرور
اسف على الاطالة و شكرا

رد: اول يوم ليا فى مكتب تعليم سواقة
 

رد: اول يوم ليا فى مكتب تعليم سواقة
 

رد: اول يوم ليا فى مكتب تعليم سواقة
 

ربنا معاك انا زيك كدة تقريبا

رد: اول يوم ليا فى مكتب تعليم سواقة
 

بص بما إنك بدأت بمدرسة فا إنشاء الله هتتعلم صح وعموما صدقني كل ما هتركز شوية وهتتعب نفسك في إنك تكون عايز تتعلم هتحمي نفسك من بلاوي كتير ممكن تقع فيها ربنا يسترها عليك وعلينا.
بالنسبة لحكاية الدبرياش وبطئ الطلعة دا لازم يعلمك كدة الأول علشان العربية متتنططش منك وتبطل لاكن بعد شوية هوا هيقولك وإنتا بتطلع وبترفع رجلك من الدبرياش حملل سنة بنزين أو سنتين كمان علشان تطلع أسرع.
أهم حاجة تريح أعصابك وماتكونشي مشدود ومتعصب وبالتوفيق ياباشا.